بعد أزمته الأخيرة.. راغب علامة: لن أغيّر طريقة تعاملي مع المعجبين
علق الفنان راغب علامة على أزمته الأخيرة بعد ما تصدر الترند عقب قرار نقابة الموسيقين المصرية بشأن بإيقافه عن الغناء في مصر واستدعائه للتحقيق، وذلك على خلفية ما أثير حول سلوك غير لائق خلال إحدى حفلاته بالساحل الشمالي.
قال "علامة" خلال حواره مع "ONE TV": "أهلا وسهلًا بأي حد يطلع على المسرح، ما في شيء بيأثر علينا وبيغيرنا في التعامل مع المعجبين.. هما بيحبونا بنحبهم، بيحضنونا بنحضنهم، بيبوسنا بنبوسهم.. مفيش مشكلة".
نرشح لك: بعد تعرضها لحادث سير.. ليلى علوي: "بدأت علاج طبيعي"
أضاف: "خلي المعجبات ينبسطوا وإحنا ننبسط فيهم، وكل حد قضى سهرة مع فنان بيحبه، تكون ذكرى حلوة في حياتهم".
تابع: "أنا بيجيلي معجبين واحدة تقولي أنا كنت في بطن ماما لما أنت كنت بتغني في الحفلة دي، الحمد لله أننا استمرينا للجيل الثالث".
كان راغب علامة، قد صرح خلال مؤتمر صحفي جمعه بالفنان مصطفى كامل، نقيب المهن الموسيقية: "كان سيادة النقيب بيقول على موضوع حفلة الساحل والناس اللي طلعوا على المسرح وصاروا يسلموا ويبوسوا ويحضنوا، قلت له أنا بالنسبة لي جايز أكون منزعج لكن مقدرش أقول حاجة لأن أنا واقف على المسرح، أنا معرفش أكون من الفنانين اللي بيصدوا الناس، المفروض إن الجهة المنظمة يحمونا من المواقف دي لأنها مواقف محرجة ليا وللنقابة".
تابع: "النقابة دي حتى لو أنا مش عضو فيها وبكون زائر، لكن أنا النقابة دي بيتي، ورئيس النقابة وكل الزملاء هنا بالنسبة لي هما عيلة فنية ومقدر كتير محبتهم واحترامهم".
فيما قال مصطفى كامل: "نورتنا ومتشكرين على فهمك وتقديرك لما قدمناه ليك من آراء وقوانين واحترامك ليها".