"السادة الأفاضل".. فيلم جديد لـ طه دسوقي قريبًا
قال الفنان طه دسوقي إنه يصور حاليًا فيلم جديد يحمل اسم "السادة الأفاضل"، ويقدم شخصية تدعى "جوهري"، ويتمنى أن ينال الفيلم إعجاب الجمهور.
أوضح "دسوقي" في تصريحاته ببرنامج من "إمبارح للنهارده"، تقديم همسة إمام، المذاع عبر "ميجا إف إم": "أول حفلة ليا في الاستاند آب كوميدي، كنت مع وليد المغازي وكان عنده 16 سنة وقتها، وكان عندي ٢١ سنة وكان الكلام ده في 2013".
نرشح لك: لفيلم "سفاح التجمع".. محمد صلاح العزب يبحث عن طفل شبيه لـ أحمد الفيشاوي
تابع: "أنا ووليد المغازي جمعنا حبنا للضحك وإسعاد الجمهور، وبقينا أكتر من إخوات، وبسميه (سكالوزي) وهو مجتهد جدا في الشغل وكنا بندعم بعض جدا في شغل الاستاند آب كوميدي".
في سياق آخر قال طه دسوقي: "أنا ماليش أصحاب كتير من الوسط الفني، بس الصداقة في مجال الاستاند آب كوميدي بين الكوميديانات بتبقى فرصتها أفضل وأقوى، وده حصل بيني وبين معظم زملائي في هذا المجال، لأن المسرح بطبيعته بيعمل صداقة بين الفنانين، وبيقربهم من بعض جدا".