"الحسيني" لرئيس الرقابة عن "مورجان فريمان": تعتيم إيه ياسطى!! - E3lam.Com
هاجم الإعلامي، يوسف الحسيني، رئيس جهاز الرقابة على المصنفات الفنية، الدكتور عبد الستار فتحي، بعدما قال إنه سيخاطب جهاز الأمن الوطني بسبب تواجد النجم الأمريكي “مورجان فريمان” في مصر، وتصويره لفيلم وثائقي، دول الحصول على تصريح من الرقابة، مشيراً إلى إنه كان هناك تعتيم.
وقال الحسيني، خلال حلقة مساء اليوم، الأربعاء، من برنامج “السادة المحترمون”، المذاع على قناة ontv : “تعتيم إزاي ياسطى؟ ده داخل من المطار، وواخد الختم في الباسبور، وعلى فكرة مينفعش ترفع قضية عليا عشان قولتلك ياسطى، مثقفين دول ولا أمنجية؟ إنتوا عارفين دبي كسبت كام من ورا تصوير فيلم Mission Impossible 5، الناس دي فاهمة بتعمل إيه، ولا أقولك أحسن مورجان فريمان إخوان، بمنتهى البساطة دول اللي قاعدين على الكراسي، العاطلين الجهلاء الفاسدين المفسدين، تور الله في برسيمه، أجدع أسطى في خان الخليلي يفهم عن الجدع ده”.
واستكمل الحسيني: “لما يبقى عندك مورجان فريمان في مصر، تعرف هو جاي إمتى، نبدء نستثمر، السياحة والأثار والثقافة، كل الدولة تستثمر ده، غرفة صناعة السينما تشوف جدول أعماله، يعملولوا عشاء مع عدد من الفنانين، باكيدج ظريف لطيف، نعمل حاجة إسمها طرق الأبواب، اللي هما ميعرفوش عنها أي حاجة هنا، كل الواجب ده متعملش، محدش إستغل زيارة مورجان فريمان بتلاتة جنيه”.