كلمات أغنية "بقول لاء" لـ أحمد شيبة
طرح صندوق مكافحة وعلاج الإدمان فيديو كليب أغنية "بقول لاء" للفنان أحمد شيبة، للتوعية من مخاطر المخدرات، وما تسببه من كوارث وحوادث سير على الطرق.
الأغنية من كلمات وألحان خالد سلطان، وإخراج أشرف عمرو.
جاءت كلمات الأغنية كالتالي:
قدام مرايتك بص بصة وشوف ملامحك
هتلاقي حد حزين ومش قادر يسامحك
وبتأذي جنبك ناس كتير وبتأذي نفسك
وبلاش غرور
ده في ناس كتير تقدر تساعدك
فتح عينيك علشان بجد السكة صعبة
أرواح كتير بتروح وناس فاكراها لعبة
دي الدنيا زي طريق وسكة وكله ماشي
ماتسيبش نفسك للغلط وتقول تعبنا
بقول لاء
على أي حاجة يا ناس غلط
بقول لاء
وبلاش نكابر في الغلط
بننام ونصحى نقوم نلاقي بجد كارثة
وسببها غلطة
علشان فيه ناس على الكيف بترسى
قلوب كتير موجوعة على ناس روحها فيها
وناس ضحية ناس وكمان سايقة فيها
والعند واخد عقلكوا مسيطر عليكوا
نفسك دي غالية
لازم بجد تخاف عليها
حتى الضمير مبقاش خلاص جوة في قلوبكوا
والصحة تاج حتى العلاج مبقاش هاممكوا
ارجع وفوق ده طريق خطر وبلاش تعاند
ده فيه ناس كتير ربك باعتها تاخد بايدكوا
بقول لاء
على أي حاجة يا ناس غلط
بقول لاء
وبلاش نكابر في الغلط
بننام ونصحى نقوم نلاقي بجد كارثة
وسببها غلطة
علشان فيه ناس على الكيف بترسى
بقول لاء
على حاجة تضرنا
بقول لاء
على واحد ضدنا
ده شيطان سايقكوا بجد وبيضحك عليكوا
والكيف واخدكوا في سكة ومغمض عينيكوا
نرشح لك: استمع.. أغنية "بؤبؤ" لـ مصطفى شوقي