كلمات أغنية "بتستخبى" لـ حمزة نمرة
طرح الفنان حمزة نمرة أغنية "بتستخبى"، من ألبوم "قرار شخصي"، عبر قناته الرسمية على يوتيوب.
الأغنية من كلمات محمود فاروق، ألحان حمزة نمرة، توزيع عمرو الخضري.
وجاءت كلمات الأغنية كالتالي:
ولاد الناس الشبعانين معروفين
وا لمدع ين ا لمحدثين مفقوسين
مهما حاولوا ياخدوا لقطة مهروشين
مهما حاولوا يداروا برضه مكشوفين
يابني انت.. أيوة انت
شايف نفسك كده ليه
مين انت؟ ومن امتى؟
معووج بأمارة ايه
بتستخبى في الفلوس
صحبي الغنى غنى النفوس
ده شكله نقص ولا ايه
ملكش وصف في القاموس
داخل بزفة ومهرجان
عامل مهم في المكان
واتنين تلاتة كدابين
بيندهوك مستر فلان
جواك عيوب وبتداريها
بس احنا فاهمين اللي فيها
أصل انت يابني في الحقيقة
بالونة والفراغ ماليها
أستاذ في لفت الانتباه
وهو مين فارق معاه
ومين هيتصاحب عليك
غير اللي قرشك اشتراه
من قلبي احب السلكانين
ناس دوغري مش ممثلين
بابعتلهم أجدع سلام
لو لسه يعني موجودين
مغرور غرور وياريتنا
جايين عالمزاج
شوية وهتدخل علينا
لابسلي تاج
كلك عبر وشايفنا
مش قد المقام
يبني انت والله العظيم
محتاج علاج
يابني انت.. أيوة انت
شايف نفسك كده ليه
مين انت؟ ومن امتى؟
معووج بأمارة ايه
بتستخبى في الفلوس
صحبي الغنى غنى النفوس
ده شكله نقص ولا ايه
ملكش وصف في القاموس
داخلي دخلة الطاووس
ماشي وعينيك مش شايفة غيرك
ناقص على البشر تدوس
أنا أنا أنا وأنا
ما خلاص بقى زهقتنا
هتموت تبقى العين عليك
وانت ولا تهمنا
طب افترضنا ان انت جامد
وانك خلاص أهم واحد
خفيت كده م النقص يعني؟
ولا مافيش أمل يا بارد
كان نفسي أقولك اقتنعنا
كان نفسي أقولك اشترينا
بس انت من عمل ايدينا
يبقى بصراحة اللوم علينا
طول عمري أحب السلكانين
دول فوق دماغنا متشالين
ماليش أنا في المدعين
ما تفوق لنفسك انت مين