رسالة رامي جمال للمتعصبين في الموسيقى
وجه الفنان رامي جمال رسالة للمتعصبين في الموسيقى، موضحًا أنه لا يُريد أن يُصبح رقم واحد في هذا المجال لأنه يركز على مشروعه الخاص وعلى تقديم نوع موسيقى معينة.
قال "جمال" عبر لقائه مع الإعلامية جيهان عبد الله في برنامج "أجمد 7" عبر إذاعة "نجوم FM": "بقول للمتعصبين إننا في الآخر شغالين في مزيكا، إحنا بنحاول نبسطكم فاتبسطوا، متحاولوش تضايقوني بتعليقات لأني مش هتضايق، أنا وصلت لمكان في الدنيا الحمد لله عاجبني وهوصل للي بعده بفضل ربنا، مبفكرش في اللي مش من حقي أفكر فيه".
تابع أنه لا يُقارن نفسه وعمله بما يقدمه الفنان عمرو دياب أو أي فنان آخر، موضحًا: "مش بس عمرو دياب، أي زميل في الشغلانة دي، مشروعه يخصه وورقته تخصه وأنا باصص في ورقتي".
أشار إلى أنه لا يُقدم نفس نوعية الموسيقى والأغاني التي يقوم بتقديمها الفنان عمرو دياب لجمهوره، موضحًا: "أنا مش بقدم نفس ذوق المزيكا اللي عمرو دياب بيقدمه، أنا مش بعمل أغاني تفضل شغالة في أماكن السهر.. جورج وسوف وفضل شاكر مبتقوليش هما رقم 1 ولا 3، أنغام وفيروز مبتقوليش هما رقم 1 ولا 3".
نرشح لك: استمع أغنية "تك تك" لـ وائل كفوري
أضاف: "دول ناس مش داخلين في سباق هما رقم واحد ولا 2، ده براند مهم جدا في المزيكا، ده شخص أنا أثق فيه موسيقيًا كفنان، وده هدفي أنا بعمل مشروع اسمه مشروع رامي جمال".
أكمل: "من يوم ما لحنت وقالولي عمرو مصطفى رقم 1، بتفكر أنت تبقى رقم 1؟ قولتلهم أنا مش عايز أبقى رقم أنا عايز أبقى رامي جمال، مينفعش أخد تجربة حد".