شيكابالا يودع محمد عبد الشافي وحمزة المثلوثي
ودع مجمود عبد الرازق شيكابالا، لاعب نادي الزمالك، زملائه محمد عبد الشافي بعد اعتزاله، وحمزة المثلوثي، بعد رحيله عن النادي.
قال "شيكابالا" خلال مقطع فيديو نشره عبر حسابه على "إنستجرام": "أشكر جمهور الزمالك العظيم خاصة اللي كان موجود نهائي كأس مصر على اللي عملوه مع محمد عبد الشافي هو حس أن الناس بتحبه وبتقدره".
نرشح لك: الزمالك يعلن نهاية مشوار محمد عبد الشافي ورحيل المثلوثي
أضاف: "عبد الشافي أعظم حد دخل أوضة الزمالك، كان يستاهل أكتر من كده لو اتكلمت مليون سنة مش هديله حقه ضحى كتير للنادي وعمره ما عمل مشكلة".
أما عن حمزة المثلوثي قال: "حمزة المثلوثي من أول يوم له مع نادي الزمالك بيشتغل بس وعمره ما عمل مشكلة ولا أتكلم وهو فعلا كابتن من كباتن الفرقة، جمهور الزمالك بيقدر للناس اللي بتخلص وتموت نفسها".
كما كشف عن احتفالية لحمزة المثلوثي من جمهور الزمالك قائلا: "موجود في الإمارات ورابطة جمهور الزمالك هناك هيعمله حفلة".