عبير عادل: بعمل أكل وأبيعه عشان أصرف على نفسي من قلة الشغل
كشفت الفنانة عبير عادل عن أسباب غيابها عن الساحة الفنية لسنوات، مؤكدة أن غيابها لم يكن ناتجًا عن قرار شخصي واضح، وإنما نتيجة لتغيرات كبيرة طرأت على صناعة الدراما والإنتاج الفني في مصر.
وقالت عبير، خلال استضافتها في برنامج "قعدة ستات" مع الإعلامية مروة صبري: "والله لحد دلوقتي مش لاقية السبب الحقيقي لاختفائي. يمكن لأن أغلب الجيل اللي اشتغلت معاه ما بقاش موجود، وشركات الإنتاج القديمة زي قطاع الإنتاج وصوت القاهرة اختفوا، والمكاتب الخاصة بالكاستنج هي اللي بقت بتتحكم دلوقتي".
وأكدت أنها لا ترى نفسها مطالَبة بالمرور على شركات الإنتاج أو مكاتب الكاستنج بحثًا عن فرصة، قائلة: "أنا مش مطالبة أفضل ألف في المكاتب، إحنا عندنا نقابة ومجلس محترم، ومفروض يتم ترشيحنا للأدوار المناسبة، لكن للأسف بقينا برة الصورة".
وأبدت عبير استياءها من اقتصار بعض الأدوار النسائية على نمطيات سطحية لا تضيف للممثل شيئًا، موضحة: "بيتعرض عليا أدوار كلها عبارة عن جملتين: صباح الخير، ربنا معاك، تصبح على خير. طيب فين التمثيل؟! أنا داخلة الفن عشان بحبه، مش عشان أقول كلمتين وخلاص".
وحول الجانب الإنساني من حياتها، كشفت عبير أنها، رغم التحديات المادية، رفضت الانخراط في تيك توك أو الاستجداء عبر مواقع التواصل الاجتماعي، وقررت الاعتماد على نفسها وموهبتها في الطهي كمصدر دخل بديل، قائلة: "أنا بحب المطبخ وبدأت أطبخ وأسوّق الأكل، عملت صفحة اسمها "مطبخ بيرو" وبقيت أجهز عزومات وأعياد ميلاد وأبيع الأكل الجاهز".
وتابعت: "بشتغل بإيدي، وبوصل الطلبات بنفسي، وحتى لما الدليفري يتأخر أو يتعطل، بنزل أنا أروح أدي الطلب للناس. أحيانًا بيتعرفوا عليّ، بس ما بشوفش إن ده عيب، أنا بعمل شغل محترم وبأيد نظيفة".
نرشح لك: علاء عوض عن مقارنته بوالده محمد عوض: "ظالمة"
وأشارت عبير إلى أن كثيرًا من زملائها في الوسط يعانون من التهميش، وذكرت تحديدًا الفنانتين حنان شوقي ونشوى مصطفى، مؤكدة أنهن يمتلكن موهبة كبيرة ولا ينلن ما يستحقونه من فرص.
واختتمت حديثها برسالة ملهمة: "أنا ست مصرية طبيعية، ما بعملش حاجة خارقة. بس قررت أشتغل، أستر نفسي بإيدي، ماستنيتش باب يتفتح. وأنا فخورة إني بشتغل وأكسب لقمة عيشي بشرف".