حمو بيكا يساند حسن شاكوش: "واقف معاك لآخر نفس"

أعلن مؤدي المهرجانات حمو بيكا تضامنه الكامل مع زميله الفنان حسن شاكوش، بعد تعرض الأخير لحملة من السخرية والتنمر بسبب أدائه الصوتي في حفل زفاف مؤدي المهرجانات نور التوت.

قال "بيكا" عبر حسابه على موقع التواصل الاجتماعي "فيس بوك": "اللي بيهزر وبيتريق على حسن شاكوش عشان صوته تعبان، أحب أقولكم: الرجولة مش بس صوت، الرجولة مواقف وصمود وتعب وشقى عشان توصل".

وصف "شاكوش" بأنه "أخ وصديق وعِشرة سنين"، مشيدًا بإصراره على مواصلة الغناء رغم الإجهاد، مضيفًا: "ده مش ضعف.. ده قوة قلب ومعدن أصيل".

نرشح لك: ياسمين صبري: سعيدة بتجربتي في "المشروع X" وتعلمت الكثير من كريم عبد العزيز

تابع: "المطرب الحقيقي مش اللي صوته حلو وهو مرتاح.. المطرب الحقيقي هو اللي بيغني من قلبه حتى لو صوته مجهد، وبيفرّح الناس حتى لو هو موجوع!".

اختتم رسالته مؤكدا على دعمه لـ حسن شاكوش، قائلا: "الناس اللي قاعدة ورا الكيبورد تتريق؟ ولا واحد فيهم يقدر يوقف دقيقة مكان الراجل ده في حياته! أنا واقف معاك يا شاكوش لآخر نفس، وكلنا عارفين إنك راجع أقوى، وده وعد من حمو بيكا قدام الدنيا كلها!".

وكان حسن شاكوش قد علق هو الآخر عبر حسابه على موقع تبادل الصور والفيديوهات "إنستجرام"، على السخرية التي نالته عقب تداول مقاطع فيديو من غنائه في حفل الزفاف، قائلا: "مبحبش أطلع وأبين إني تعبان وأقول على التعب اللي في صوتي، والأحبال الصوتية عندي عاملة كده في صوتي ومخليني مش قادر أتكلم، بس ده كان فرح أخويا الصغير نور التوت وكان لازم أجي على نفسي وأغني، لكن مقدرتش زي ما أنتم شايفين".

أضاف: "عشان بس الفيديوهات منتشرة والناس بتتريق، وده من حقكم طبعا.. بس الواحد لما بيجيله دور برد عادي مبيقدرش يتكلم أصلا".