كزبرة عن نتيجة الثانوية العامة: أصعب أيام حياتي

تحدث مؤدي المهرجانات كزبرة، عن ذكرياته مع يوم ظهور نتيجة الثانوية العامة، موضحًا أنه كان من أصعب أيام حياته.

نشر كزبرة من خلال خاصية "ستوري" عبر حسابه الرسمي على موقع التواصل الاجتماعي وتبادل الصور والفيديوهات "إنستجرام"، أن يوم ظهور نتيجة الثانوية العامة يُذكره بأصعب أيام حياته، حيث إنه حصل على مجموع 67% ولكنه قرر التركيز على هواياته والمجال الذي يُحبه.

تابع: "قولت الحمد لله هفضل مركز في الحاجة اللي بحبها ومحدش كان مصدقني.. ودعيت ربنا أنه يكرمني ومايأستش والحمد لله وصلت لأول سلمة من حلمي السنة دي بعد مرمطة سنين وانتقادات توصل الواحد أنه ينتحر".

أضاف أن لله عز وجل حكمة في كل ما يحدث، ناصحًا طلاب الثانوية العامة بعدم اليأس والمحاولة المستمرة لإثبات أنفسهم وقدراتهم: "حابب أقولكم إن الدنيا حلوة وأكيد ربنا له حكمة في اللي بيحصل وبيدي كل واحد على قد تعبه، فمحدش ييأس والدنيا موقفتش وتقدر تثبت لنفسك ولكل اللي حواليك أنك تقدر تنجح، وربنا يكرم الجميع".

أكمل: "وبالنسبة للناس اللي نجحت وجابت المجموع اللي نفسها فيه، مبروك وربنا يكتب للجميع الخير والنجاح الدايم".