كلمات أغنية "بقول وأكدب" لـ رامي جمال
طرح الفنان رامي جمال أغنية جديدة بعنوان "بقول وأكدب" عبر قناته الرسمية على موقع "يوتيوب" من كلمات جمال الخولي، وألحان رامي جمال، وتوزيع أحمد إبراهيم، ومكس و ماستر أحمد إبراهيم.
وجاءت كلمات الأغنية كالتالي:
عشان مبقاش بقول وأكدب أنا هنسى لكن هتعب
ومش ضامن في يوم من بعد ما أنسى أرتاح
غيابك عني مش هين لكني عكس ده هبين
كبيرة وعيبة لو بانت عليا جراح
مفيش ولا حاجة في إيديا عشانك روح
دورك جي ومسيرك تعيش مجروح
جرب بس تنساني وصدقني
يوميها وبس هتحس بطلوع الروح
لحد في يوم ما أفوق منك هكلمني كتير عنك
وفي الغالب هعيش بعدك كإني معاك
ومن نفس الوجع ده أنت هتسألني الخلاص إمتى
هتتعب زي مأنا هتعب عشان أنساك
مفيش ولا حاجة في إيديا عشانك روح
دورك جي ومسيرك تعيش مجروح
جرب بس تنساني وصدقني
يوميها وبس هتحس بطلوع الروح