رمضان 2024.. كلمات أغنية "بابا جه" لـ أكرم حسني
أطلق النجم أكرم حسني أغنية "بابا جه" على صفحاته الرسمية ومنصات الموسيقى المختلفة، وهي الأغنية الترويجية وتتر المقدمة لمسلسله الجديد "بابا جه" الذي يعرض في رمضان على قنوات dmc ومنصتي Watch It وشاهد.
أغنية بابا جه من غناء أكرم حسني مع أحمد وحيد (كينج) ولافينيا نادر ومن كلمات أكرم حسني ولحن كريم عاشور، توزيع أحمد وحيد (كينج) هندسة صوت: م. امير محروس ومن إنتاج شركة Ideology.
نرشح لك: استمع.. أغنية "بابا جه" لـ أكرم حسني
وجاءت كلمات الأغنية كالآتي:
بابا اييييه بابا ايه .. بابا اهوووو بابا جه .. بابا اييييه بابا ايه .. بابا اهوووو بابا جه
بابا اييييه بابا ايه .. بابا اهوووو بابا جه .. بابا اييييه بابا ايه .. بابا اهوووو بابا جه
في بابا و في بابي في ابويا و في دادي .. عصبي ان كان او كان هادي
دوره يطبطب و يدادي
يا بابا انت الهيرو .. انت اللي جايبها من الزيرو .. باتمان و زمايله يجولك
ياخدوا الاذن و بيطيروا
بابا ده اللي حاسس انه مش مهم .. حاسس ان دوره بس ATM
بابا هات فلوس عشان محتاج دروس .. بابا عندي جامعة و اشتراك في جيم
بابا ده اللي شعر راسه فجأة شاب .. بابا ده اللي شاف يا ناس كتير عذاب
بابا حالته صعبة محتاجة لعلاج .. في دكاتره قالوا حالته دي اكتئاب
نفسي اجيب كلب .. بابا قاللي لأ .. كل ما اقول لحد يقوللي بابا عنده حق
مش مقدر ايه هاممني نفسي مرة يكون فاهمني .. اطلب حاجة يقوللي حاضر
فيها ايه ما هي سهلة اهيه
بابا اييييه بابا ايه .. بابا اهوووو بابا جه .. بابا اييييه بابا ايه .. بابا اهوووو بابا جه
في بابا و في بابي في ابويا و في دادي .. عصبي ان كان او كان هادي
دوره يطبطب ويدادي
يا بابا انت الهيرو .. انت اللي جايبها من الزيرو .. باتمان و زمايله يجولك
ياخدوا الاذن و بيطيروا
يا اخوانا كله كوم و بابا كوم .. بابا لو وقع اوام اوام يقوم
هاتوا أي حد غيره هتلاقوه .. في ثواني قام طلع من الهدوم
بابا ده اللي شعر راسه فجأة خف.. بابا كعب داير اصله خدها و لف
ده حبيبي بابا ده لو كان شريط .. والله كان زمانه باظ و سف
فكره المسلسل مأخوذة من كتاب كوري dad for rent وتدور أحداثه في 15 حلقة.
المسلسل بطولة أكرم حسني، نسرين أمين، أوتاكا، سماء إبراهيم، فريال يوسف، سامي مغاوري، ياسر الطوبجي، لافينيا نادر، الطفل سليم مصطفى، الطفلة هنا زهران ، معالجة درامية وائل حمدي، محمد إسماعيل، إخراج خالد مرعي وإنتاج ميديا هب – سعدي جوهر.