عبد العزيز مخيون: رفضت أشتغل في فيلم بسبب التطبيع
قال "مخيون" خلال لقائه ببرنامج "أسرار النجوم" مع الإعلامية إنجي علي، عبر "نجوم إف إم": "اعتذرت عن نابليون، لأني كان عندي حساسية جامدة جدا للتطبيع مع إسرائيل، حسيت فيه شك، حسيت إنه بيرمي على التطبيع فاعتذرت، أنا جالي عمل تاني وأنا بدرس في فرنسا وممعيش فلوس وكان دعوة للتطبيع فرفضته المخرجة كانت يهودية".
أشار إلى أنه يبتعد عن كل الأعمال التي من الممكن أن يكون في باطنها دعوة للتطبيع، موضحا أنه حتى هذه اللحظة مقتنع تماما أن العالم كله ليس أموالا فقط ولكن الأهم هو الصحة والستر.
أكمل: "يوسف شاهين شخص فنان وديمقراطي جدا، وأنا في باريس كان جه وأنا أحبه جدا الله يرحمه، كان يجي وياخدني في تاكس عايزيني أقعد أونسه وأساعده في تظبيط الفيلم، كان إسكندرية ليه، ونفضل سهرانين، كان بيحبني وشايف إني ممثل موهوب، كان فنان، أنا كنت برافقه عشان أتعلم، التعلم ده مش إنك تدخل معهد وتتعلم، ولكن فيه تعلم وأنت بتقعد وسط الناس المثقفة ".