موعد عرض برنامج "نور" لـ مصطفى حسني على ON
برنامج نور
أعلن الداعية مصطفى حسني عن برنامجه الجديد، والذي يحمل اسم “نور”، ومن المقرر عرضه عبر قناة ON، بدءاً من الأول من سبتمبر، في تمام السابعة مساء كل جمعة.
وكتب حسني عبر حسابه على فيس بوك: “كان حلم كبير أوي عليَّ إن ربنا يكرمني ويسمح لي بالحديث عنك يا سيدنا محمد.. من سنين طويلة وأنا بتمنى أعمل برنامج عن قصة حياة حضرتك.. أحكيها وأعبر عن كل الحب اللي اتعلمته في رحلتي”.
نرشح لك: مصطفى حسني يوضح عقوبة الأهل المسيئين في تربية أولادهم
وأضاف: “اللي شوفته في عيون المحبين لك وهم بيزوروك في مسجدك… وفي ألسنه اللي يعرفوك وهم بينتهزوا فرصة ويتكلموا عنك في كل مجالسهم.. وفي دموع العاشقين لك لما سيرتك بتيجي قدامهم ومايعرفوش يمسكوا دموع الشوق والحب”.
تابع: “سنين طويلة وأنا بسمع وأقرأ عنك وأدعي بقلبي إني في يوم أنقل كل اللي سمعته واتعلمته لأبناء جيلي..
أنقله بطريقة تعلق القلوب بحبك وتعرَّف العقول على جمال أفعالك… حضرتك طيب يا سيدنا محمد وحنين وقوي ومتقن ومبادر وصبور وأتقى من عرف الله، نفسي الناس كلها تشوفك كده”.
وواصل مصطفى حسني: “لكن يا سيدنا محمد اللي نفسي يوصل للناس في حكايتك قد إيه انت بتحبنا بصدق ورحمة.. وقد إيه إحنا دايمًا على بالك وانت عايش في الدنيا وانت في قبرك الشريف ويوم القيامة لما نقابلك ونلاقيك واقف طول يوم القيامة تتكلم مع ربنا عننا.. وتستسمحه لكل واحد فينا… وماتستريحش في بيتك في الجنة إلا وكلنا حواليك وفي حضنك.. نفسي كل الناس تعرف ده عنك.. نفسي الناس تشوف نورك.. يا نور”.