كلمات أغنية "أنا الطيب" لـ حمزة نمرة
كلمات أنا الطيب
طرح الفنان حمزة نمرة أغنية جديدة تحمل اسم “أنا الطيب” عبر قناته الرسمية على موقع “يوتيوب”.
الأغنية من كلمات محمود فاروق، ألحان حمزة نمرة، توزيع وميكساچ عمرو الخضري.
وجاءت كلمات أغنية أنا الطيب كالآتي:
أنا الطيب وعامل فيها مش طيب
عشان الناس بقت بتدوس على الطيب
ومين كان حس بينا يا دمعي يا قريب
بامثل إني مش طيب عشان انتوا
ديابة ولازم أنتش لقمتي منكوا
وليه يازمن بقى الطيب بيتعيب
عامل قاسي
وجوايا مافيش قسوة
ماليش غير قسوتي عزوة
بتدوا الحق للأقوى
وبتيجوا تمللي ع الطيب
وشرّاني
لكن من جوة وحداني
ولما صرخت اه ياني
دستوا على الجراح تاني
ما شفتش حد بيطيب
عامل جامد
لكني ورا الحيطان عيل
ولما الدنيا بتليل
بشيل وشي اللي بيمثل
واروح انام ع الجانب الطيب
يا ناس يا ناس واقف مبلم
يارب حوش يارب سلم
ده انا اتجرحت جرح علّم
ماشي يا دنيا
مجابش حقي غير دراعي
ياريتني حاوي دول أفاعي
مافيش لطيبتي أي داعي
لا لا لا لا لا
أنا البعيع
وشايل بين ضلوعي ملاك
ولو نزلت دموعي هلاك
يا قاسي القلب ايه قساك
وخلاك تجي ع الطيب
أنا المأذي
ومش عايز أكون مؤذي
لكن لو هتأذي هأذي
وده مش بكيفي ده حظي
ونِفسي في يوم أعود طيب
ومش خواف
ولو قلتلكوا إني بخاف
أخاف لتقرقشوني حاف
وياما منكوا قلبي شاف
عالم وحوش ما بترحموش طيب
يا ناس يا ناس واقف مبلم
يارب حوش يارب سلم
ده انا اتجرحت جرح علّم
ماشي يا دنيا
مجابش حقي غير دراعي
ياريتني حاوي دول أفاعي
مافيش لطيبتي أي داعي
لا لا لا لا لا
يذكر أن أحدث أغاني الفنان حمزة نمرة، هي أغنية “رياح الحياة” الأغنية من كلمات محمود فاروق، ألحان حمزة نمرة، توزيع وميكساچ كريم عبد الوهاب.