خالد الصاوي يوضح التغييرات التي يجريها في حياته للحفاظ على صحته

قال الفنان خالد الصاوي، إنه بدء الاهتمام بصحته فأصبح يمارس التمارين، موضحا أنه لا يجهد نفسه إلا في العمل، فهو لا يريد أن يتقدم في السن.

قال “الصاوي” خلال لقائه في برنامج “مساء dmc” المذاع عبر شاشة “dmc”: “عايز أشكر حد كتب هو خالد الصاوي إيه اللي حصل له؟ مال صوته وشكله، وده نبهني، وبشكره لأنه صحاني، سواء بتتكلم بنية حسنة وبتحبني فبتقول أنت إيه اللي بوظك كده، أو عن حاجة سطحية، أو مبتحبنيش خالص.. فأنا قولت ههتم بصحتي أكتر، ومش هعمل حاجة تخليني أشتكي من صحتي لأسباب خارجة عن الشغل”.

أشار: “بعمل تغييرات في حياتي، بتمرن وبنام كويس.. أنا ممكن أسهر واتعب في الشغل مش برا الشغل، الساعة 12 بليل هتيجي يا بصور يا نايم عشان هقوم الصبح أتمرن، أنا مش عايز أعجز”.

 

في نفس السياق تحدث ” الصاوي”، عن ظهوره كضيف شرف في أعمال فنية، موضحا: “الأول لما كان حد يقول لي ظهور خاص أو ضيف شرف أقول له لا، خوفا إني أكون بتحجم أو بتقلص، دلوقتي لا، على حسب اللي هيعجبني هعمله، ومش بتقيد بالفلوس”.

أما عن متابعته لكرة القدم قال “الصاوي”: “أنا مكنتش بتابع كورة، بس بقالي 3 سنين بتفرج وخليت الكورة جزء من متابعاتي اليومية.. ولما تابعت حسيت بحاجة حيوية جدا، وملت جزء من حياتي وحسيت أن في حتة كانت ناقصة عندي”.