ناس وقعت بنا.. منة شلبي تتحدث عن كواليس خلافها مع هند صبري

كشفت الفنانة منة شلبي، أنه حدث بينها وبين الفنانة هند صبري خلاف في بدايات عملهما في الفن، حيث كانت انطلاقتهما الفنية مع بعضهما، وجسدت كل منهما أفلام جريئة في البداية، سلطت عليها الأضواء وقتها.

أكدت “شلبي” خلال لقائها في برنامج “سهرانين” مع الفنان أمير كرارة على قناة ON، أن السبب في ذلك الخلاف كان أشخاص أوقعوا بينهما، ونقلوا كلامًا لم يحدث على لسانهما، حتى تصالحا قبل تصوير فيلم “بنات وسط البلد”.

نرشح لك: تامر حسني يعد الجمهور بجزء ثاني من “تاج”

قالت الفنانة: “أنا وهند صبري بدأنا مع بعض، وعملنا أدوار جريئة في الأول، وكنا صغيرين، وفي ناس سخنتنا على بعض، لحد ما اشتغلنا سوا أحلى الأوقات، وكان وسطنا ست البنات حنان ترك، اللي كانت قريبة مننا فقربتنا من بعض، بس لا كنا صحاب ولا أعداء”.

أضافت: “وجه “بنات وسط البلد” مع محمد خان قلتله أنا بروفيشنال وعادي، قالي هو أيه حكاية الكلمة دي كل ما اكلم واحدة فيكم تقولهالي، لأ تعالولي نقرأ الورق سوا ونشوف، واحنا بنقرأ الورق سوا، وهو عن قصة 2 صحاب، قفلته وبصيت لها وهي كمان، وقررنا نتكلم مع بعض واكتشفنا إن مفيش حاجة بينا وناس هما اللي وقعوا بينا”.

أردفت تعليقًا على نشر الفنانين لخلافاتهم في الصحافة والإعلام: “بستغرب لما بلاقي ناس بتتخانق في الجرايد، احنا ممكن نتخانق ومحدش يعرف إننا اتخانقنا عادي، ليه نقول ده؟ أصل ممكن يكون خلاف، أو أرواح ملفقتش مع بعض، أو كيميتي مجتش مع كميتك وبعدين خلاص”.