كلمات أغنية "حبايبنا" لـ حكيم
طرح المطرب حكيم أغنية جديدة تحمل اسم “حبايبنا” عبر قناته الرسمية على موقع “يوتيوب” بالتزامن مع عيد الأضحى المبارك.
الأغنية من كلمات إسلام كنكا، ألحان كريم الصباغ، توزيع فلسطيني، مكساچ وماستر أحمد جودة، منتج فني فايز عزيز.
نرشح لك: شاهد.. أغنية بلبطة لـ حسين الجسمي
وجاءت الكلمات كالتالي:
هي دنيا نعيشها مرة
نحلي أيامها لو حتى مرة
افتح ببان الفرح ويا الحب سافر
وسط الحبايب الدنيا أحلى
يلا بينا نعيش الفرحة
مع الحبايب والقرايب
فاتوا كتير أوي اللي غايب
في ليلتنا دي ليلتنا
وسط اللمة وسط العيلة
أجمل صحبة وأجمل ليلة
لمتنا.. دي لمتنا
هما دول
حبايبنا حبايبنا حبايبنا حبايبنا
هما دول
حلوة الليلة دي وسط حبايبنا
ننسى الهم وننسى الغم اللي تاعبنا
دي ليلتنا دي ليلتنا
الليلادي نرقص كل اللي حابننا
واللي في نفسه حاجة بالحب يشاركنا
ده اللي يلاقي دلع وميدلعش
عيب ميصحش ومينفعش
عيش اللحظة وعيش الفرحة
وسط اللمة متتعوضش
قول للحزن مع السلامة
قابل الدنيا بابتسامة
انسى الجرح والملامة الدنيا حلوة
حبايبنا حبايبنا
أجمل صحبة وأجمل لمة.. حبايبنا
أجمل ليلة وأجمل عيلة.. حبايبنا
هما هما دولا حبايبنا
اللي يجاملنا مردودالك ياللي في الفرح تقسمنا
بكرة يجي الدور عليك وتشوف ده منا
ألف شكر على الجمايل ياللي منا
ياللي منا جنب منا
وسط أهلي وسط ناسي مشرفني
لو تميل الدنيا بيا أنت ساندني
حبايبنا حبايبنا حبايبنا حبايبنا
هما دول
في سياق آخر، عاش المطرب حكيم تجربة متكاملة داخل عالم الميتافيرس، من خلال لايفات فيرس وهو أول فيرس عربي متكامل مرخص.
من جانبه أكد حكيم أنه خلال تنفيذ التجربة الواقعية للفيرس تحمس لها لأنه الجيل الجديد من الميديا والمحتوي الرقمي والتواصل.
أضاف: “أبحث عن المستقبل وهذا بالفعل سيكون الاستخدام الجديد بين البشر وستتمكن الجهات التعليمية من تقديم تجارب عملية إفتراضية تخاطب الواقع يصعب القيام بها في العالم الحقيقي، والتسوق في كافة المجالات سيكون أفضل وأكثر إمتاعا لأنك سوف تعاين المنتجات بشكل ثلاثي الأبعاد وتجربة السلع قبل الشراء، وسيتمكن الجمهور من مشاهدة نجومهم المفضلين بشكل جديد مختلف”.