مصطفى حسني يوضح 4 خطوات للتعافي من شخص كاذب وخائن

كشف الداعية مصطفى حسني عن 4 خطوات للتعافي ممن يكذب ويخون، مؤكدا أن ذلك ليس غضبا ولا انتقاما من الله سبحانه وتعالى.

قال “حسني” خلال فيديو له نشره عبر حسابه الرسمي على موقع تبادل الصور والفيديوهات “إنستجرام“: “4 حاجات يساعدوك على التعافي من الشخص الكداب اللي خانك، رقم واحد الحمد لله أن مش حضرتك الكذاب الخائن وأن هو، الحمد لله أنك مع الله، وحضرتك ربنا معاك وهو اللي ضدك يقول العلماء في تفسير (ذلك بأنهم شاقوا الله ورسوله) أنهم كانوا في شق والله في شق، الله مع المظلوم عشان ينصره على الظالم”.

نرشح لك: إلهام شاهين: كنت مستهدفة من الإخوان

أضاف: “رقم اتنين الشخص اللي خانك أو كذب عليك دلوقت بيتفرج على فيلم وبيضحك.. أنت مش في باله هو قلب صفحتك وكمل فنزله من على أكتافك عشان أنت ماشي شايله على أكتافك وده متقلك أوي”.

تابع: “رقم 3 ده جزء من قصة حياتك مش انتقام ولا غضب من ربنا، ده جزء من نموك بيحصل بالنعم وجزء من النمو بيحصل بالأزمات، ودي سنة ربنا في الكون.. والكل بيعدي بأوجاع زي ما بيعدي بنعم كتيرة، فأنت مش مقصود أن ربنا ينتقم منك أو يضايقك ده شيء طبيعي”.

أوضح: “الشيء الرابع عند الله العوض، ولعل الإنسان ده جه وأذاك، عشان تقول (إنا لله وإنا إليه راجعون، اللهم أجرني في مصبيتي وأخلفني خيرا منها)، فيخلف الله عليك باللي يقدرك ويصونك”.

في سياق آخر، رد الداعية الإسلامي مصطفى حسني، على سؤال أحد المتابعين الذي يقول فيه: “هل الميت بيسمعنا لما بنزوره؟”.

قال “حسني” خلال فيديو له نشره عبر حسابه الرسمي على موقع تبادل الصور والفيديوهات “إنستجرام“: “أغلب أقوال أهل العلم أن إحنا لما بنزور الأموات في القبور بيسمعونا .. وبيفسروها بتفسيرات كثيرة على رأسها كلام النبي عليه الصلاة والسلام مع الأموات كأنهم حاضرين وهو بيقول (السلام على أهل الدِّيار من المؤمنين والمسلمين، ويرحم الله المستقدمين منكم والمستأخرين، وإنا إن شاء الله بكم للاحقون)”.

أضاف: “وكان النبي بيكلم الأموات ويقولهم (هل وجدتوا مع وعدكم به الله حقا؟) وكانوا كفار وقتها في غزوة بدر فسيدنا عمر يقوله (حضرتك بتكلم الأموات) يقول له النبي (أنهم يسمعونني أكثر مما تسمعني يا عمر)”.

أوضح: “وكثير من الأيات والأحاديث اللي بتتكلم عن سماع الأموات لمن يزورهم، فالعلماء بيقولوا تروح وتقرب من القبر