عمرو سعد: مفيش حاجة اسمها واقع في الدراما

قال الفنان عمرو سعد، إن طريقة مشاهدة الدراما تغيرت، فأصبحت المشاهدة لقصة معينة تجعل الجمهور يتوحد معها، ويدخل في جدل على أنها أصبحت من الواقع.

أضاف “سعد” خلال لقائه مع الإعلامي عمرو أديب ببرنامج “الحكاية” المذاع عبر شاشة “mbc مصر”: “جه الوقت اللي لازم نغيره، لأن الدراما مش واقع، ممكن تشوف فيلم عن العصابات في أمريكا وقتلة مش ممكن بييجي في دماغك أن أمريكا كده، لكن لو شوفتها في الإعلام ممكن تقول إنها كده”.

نرشح لك: شيرين تُنهي أزمتها مع شركة روتانا

أردف: “مفيش حاجة اسمها واقع في الدراما، دي كلمة نصبة اتباعت لنا في وقت معين، لأن مفيش في الواقع اتنين بيتكلموا وبتنزل مزيكا عليهم ده في السينما بس مش في الواقع، الفيلم هو حدوتة بنصنعها عشان نسلي الناس ونبيع لهم فكرة”.

أشار: “لله المثل الأعلى في القرآن الكريم، الحدوتة بتتحكي بخيرها وشرها مبيحذفش الشر، في قوم لوط لو الناس معترضة نقوم نحذفها؟! القصة اللي اتحكت في الأديان الخير خير واضح والشر شر واضح، وفي قتل وكل حاجة”.

الإعلامي عمرو أديب الفنان عمرو سعد برنامج الحكاية رئيسية شاشة mbc مصر