عمرو أديب للتجار: مفيش أي مبرر لزيادة الأسعار

عمرو أديب

ناشد الإعلامي عمرو أديب، التجار في السوق الحرة، بعدم رفع أسعار السلع الغذائية بعد رفع سعرها في التموين، موضحا أن الحكومة المصرية ما زالت تدعم السلع بـ 45 مليار جنيه.

أضاف “أديب” خلال حلقة اليوم من برنامج “الحكاية” المذاع عبر شاشة “MBC مصر”: “متخدوش هذا الأمر حجة لرفع الأسعار، أنت رافع من زمان، قولتلي الدولار زاد، السوق السودا زادت، دول ناس وضعهم مختلف ده عنده دعم وبيقلل منه شوية لكن الدعم موجود، يعني الدولة ما زالت تدعم السلع بـ 45 مليار جنيه”.

نرشح لك: “بلاش أفورة”.. محمد الباز: 14 ألف سوداني فقط دخلوا مصر

أشار: “أرجو أن بكرة ملاقيش الرز أو الدقيق يزيد ملاقيش الجبنة تزيد، اللحمة والفراخ والبيض دول فوق المسألة دول يعملوا اللي هما عايزينه، دول فوق الكلام والنظام، محدش عارف يتكلم معاهم في حاجة، أنا بتكلم في سلع أساسية، لا يوجد أي مبرر رفع الأسعار”.

أوضح: “الدولة تستطيع تتحدث مع الأربعة أو الخمسة اللي عندهم السوق، مش عايزين بكرة نلاقي موجة تضخمية، أنت غير معني بهذا الأمر، وخلال الـ8 شهور اللي فاتت في العالم أسعار السلع الغذائية في نزول، مفيش أي مبرر إنك تزود، في أزمة كبيرة وفي ناس لازم الدولة تقف جنبهم والدولة بتقوم بهذا الأمر”.

أردف: “الأمر مؤلم للفقير والغني، إحنا عايزين العدل والعقل، مفيش عقل أن الأمور تفضل تزيد بلا مبرر واضح، وأنا بقول من بدري، مش عايز أجي بعد يومين ألاقي الناس بتزود الأسعار”.

برنامج الحكاية رئيسية زيادة الأسعار شاشة mbc مصر عمرو أديب