رامي جمال: إحنا جيل بيشوف الانفصال سهل
قال الفنان رامي جمال، إن جيله يرى أن الانفصال والطلاق الطريق الأسهل للعلاقات، مؤكدا على أن الأجيال الأقدم ترى أنه ليس الحل الصحيح.
أضاف “جمال” خلال منشور له عبر حسابه على موقع تبادل الصور والفيديوهات “إنستجرام” معلقا على رسالة جاءت له بعد نزول أغنيته الأخيرة “لحظة بعادك” والتي يقول فيها أحد المعجبين أنه بعد سماع الأغنية صالح زوجته بعد انفصال دام 3 سنوات.
نرشح لك: شاهد.. كليب أغنية “عاملة ايه” لـ رامي جمال
أردف “رامي”: “إمبارح قبل ما أنام جاتلي الرسالة دي وفرحتني جدا وعاوز أقول حاجة من واقع حياتنا الدنيا متعاشة مرة واحدة متفرطوش في اللي بتحبوهم بسهولة إحنا للأسف جيل بيشوف الانفصال والطلاق سهل رغم إننا إتربينا في بيوت كان بيحصل فيها مشاكل”.
أكمل: “لكن كانوا أهالينا متمسكين إن البيوت دي ما تتهدش بسهولة، مشاكل الحياة كتير لكن متخلوش الأفلام والمسلسلات وحكاوي الناس تخليكم تطلبوا أو تستنوا من اللي بتحبوهم كل حاجة، وما تعلوش سقف توقعاتكم إحنا اتعلمنا إن البيوت تتهد على العرض والكرامة فقط لكن خلافات الدنيا العادية لا”.
أوضح: “ما تفتكروش إن فيه حد حياته كاملة زي ما بتشوفوها على إنستجرام والمسلسلات والأفلام لو كل واحد وواحدة اتهيالهم إن الانفصال هيخليكم بكرة تعيشوا بحرية وتلاقوا فرص وشركاء أحسن هتضيعوا من إيديكم ناس احتمال كبير ما تتعوضش، إحنا عايشين مرة واحدة سامحوا وحبوا وفوتوا لبعض وامسكوا في حبايبكم، واخيرا محدش عايش حياتك وأنت بتحكي لحد عن مشكلتك مع شريكك خليك واثق إن رأيه وحياته مش قاعدة لازم تكون صح”.
View this post on Instagram
“وكان الفنان رامي جمال قد نشر أحدث أغانيه مساء أمس عبر حسابه على موقع “يوتيوب”.
“لحظة بعادك” من كلمات حسام سعيد، وألحان محمود أنور، وإنتاج شركة “RG music production”.