استمع.. أغنية "بحبك وخايف" لـ تامر عاشور
طرح الفنان تامر عاشور، أحدث أغانيه بعنوان “بحبك وخايف”، وذلك من خلال قناته عبر موقع “يوتيوب”.
“بحبك وخايف” من كلمات محمد شافعي، وألحان إسلام رفعت، وجيتار مصطفى أصلان.
نرشح لك: كلمات أغنية “صاحبي” لـ حمادة هلال
وفيما يلي كلمات الأغنية:
بحبك وخايف نقرب
نضيع بحبك وعارف
بإنه استحالة
بحبك وآسف
خدتني الجلالة
أنا وأنت حالة
رفضها الجميع!
بحبك بقولها
وجوايا حرب بقولها في ضميري
أجي أنطقها صعب
ده موقف مصيري
بيعملي رُعب شوفها في عنيا
في رعشة إيديا هتلاقيها حية
في قلبي الخجول
طب اقرأ الرسايل
هتلاقيني قايل بإني بحبك
ما بين السطور
دي واضحة في كلامي
وباينة في سلامي
يا كل اهتمامي
وأكبر همومي
بخاف يوم ما أقولها متلعبش دورها
تموت من جذورها وأموت من ظنوني
بحبك وساكت
مبجيبش سيرة بحبك وفاهم
دي كلمة تقيلة ولو حتى هي
تبانلك عادية
شوفها بعنيا
تبان مستحيلة.
جدير بالذكر أن الفنان تامر عاشور كان قد تحدث عن بداية دخوله مجال الموسيقى وعمله كملحن لعدة سنوات قبل اتجاهه للغناء، ونجاح أغنية “كلموها عني”.
قال “عاشور” في تصريحات تلفزيونية، إن الجمهور لم يكن يعرف شكله في البداية مع نجاح أغنية “كلموها عني” رغم حفظهم لأغنياته، وأن أول حفل له كان مع الفنان محمد فؤاد في المعمورة وغنى خلاله أغنية واحدة فقط قبل ظهور الفنان محمد فؤاد.
أضاف: “أنا فجأة لقيتني بسأل نفسي أنا هعمل إيه في اللي جاي؟ وأنا مكنتش لحقت أعمل حاجة في اللي فات أصلا، كنت اشتغلت سنتين ملحن ومحدش كان عارفني لسه غير محمد فؤاد وعامر منيب”.