تعليق عمرو أديب على تطبيق "الفاتورة الإلكترونية"

قال الإعلامي عمرو أديب، إن أغلب المهن الحرة سامية، موضحا أن جميع الجهات لا ترفض تطبيق الفاتورة الإلكترونية ولكنهم يريدون فهمها.

أضاف “أديب” خلال حلقة اليوم من برنامج “الحكاية” المذاع عبر شاشة “mbc مصر”: “حق ربنا لو ناويين تأجلوا للمحامين يبقى تأجلوا للباقيين، إحنا وقفنا عند موضوع المهنة السامية المهن الحرة أغلبها سامية، محتاحين نتناقش، دكتور أشرف زكي نقيب الممثلين قالك إحنا مش فاهمين حاجة، دول عايزين وقت، عايزين يقعدوا”.

نرشح لك: أحمد موسى: “المحاميين مش داخلين منظومة الفاتورة الإلكترونية”


أشار:
“واضح أن محدش رافض التطبيق بس عايزين يتكلموا في التطبيق، يعني معاد 15 ديسمبر ده لو هيتم تجاوزه معرفش مصلحة الضرايب موافقة ولا لا، وده طبقا لطلب المحامين وإقرار المحامين أن 15 ديسمبر ليس تاريخا، طيب اقعدوا وحطوا تاريخ بالتوافق مع الناس كلها، كل شيء بالخناق إلا الفاتورة بالاتفاق”.

أوضح: “إحنا مستنين نعرف موقف مصلحة الضرايب، إذا كان الأمر قد تم تجاوزه مع نقابة المحامين يجب أن يتم تجاوزه مع الجميع، كل المهن الحرة بقى، لحد ما نوصل لحل للجميع، الكلام أن الوقت قصير، بس الموضوع ده بقاله أكتر من سنة شغال، وفي جزء كبير من المسألة أن التسجيل بفلوس، إنك تسجل نفسك في المنصة دي ده بفلوس”.

 عمرو أديب