رأي محمود سعد في فيلم "السباحتان"

علق الإعلامي محمود سعد، على فيلم “السباحتان”، موضحا أن مشاهدة الفيلم تختلف عن سماع القصة، لافتا إلى أن الفيلم به نوع من المرح رغم المأساة التي بداخله.

أضاف “سعد” خلال مقطع فيديو نشره عبر موقع الفيديوهات “يوتيوب“: “مهما نسمع عن قصة يسرا وسارة مارديني وأنهم عدوا البحر عوم بليل غير لما تشوف ده متصور تصوير كويس الفيلم اللي متقدرش تبص جنبك وأنت بتتفرج عليه رغم انه معمول بنوع من المرح عشان يبقى خفيف شوية لأنه مأساة كبيرة جدا”.

نرشح لك: تفاصيل العرض الخاص لفيلم “THE SWIMMERS” بـ مهرجان القاهرة

أوضح: “هو مش زي الأفلام العربي والنهايات السعيدة لا في تفصيلة في النهاية مش كويسة، الممثلين البنتين مثلوا حلو جدا وعملوا شغل رائع.. هي دي الحاجة اللي بتحرك البني آدم بشكل حقيقي وممكن تغير تفكير الإنسان، لأن أنت لما بتعمل سينما حلوة وعظيمة بتتأثر بيها.. لو مكنش الفيلم يعمل فيك تغيير شوية يبقى المشكلة فيك مش في الفيلم”.

يتتبع فيلم THE SWIMMERS القصة البطولية للأختين سارة ويسرا مارديني ورحلتهم كلاجئين من الحرب السورية إلى أولمبياد ريو دي جانيرو في ٢٠١٦، حيث وهبوا مهاراتهم وقلوبهم للسباحة. الفيلم من بطولة ناتالي عيسى، منال عيسى، ماتياس شفايغوفر، أحمد مالك، جيمس كريشنا فلويد، نائل تزيجاي، كندة علوش وعلي سليمان. THE SWIMMERS من إخراج سالي الحسيني، وكتابة سالي الحسيني، والكاتب المسرحي وكاتب السيناريو الحائز على عدة جوائز جاك ثورن، ومن إنتاج تيم بيفين، واريك فيلنر، وتيم كول، وعلي جعفر، بالإضافة إلى ستيفن دالدري، وكاثرين بومفريت، وتيلي كولسون كمنتجين منفذين.