أستاذ علاج إدمان ينتقد صورة المدمن في الأعمال الفنية

قال الدكتور نبيل عبد المقصود، أستاذ علاج السموم والإدمان، إن من بيشرب كأس خمر، أو سيجارة حشيش لا يجوز وصفه بالمدمن، وإنما هو مجرد متعاطي.

أوضح “عبد المقصود” خلال لقائه في برنامج “يحكى أن” مع الإعلامية إيمان مختار، على القناة الأولى المصرية، أن المدمن هو الذي يعتاد جسمه على نوع مخدر معين، ووظائف جسمه لا تستطيع أن تقوم بدورها بغيره.

تابع: “في الأفلام بيجيبوا المدمن ده بياكل في اللحاف ويخبط دماغه في الحيطة ويعض في الأرض ويهرش.. المدمن لما بيشوف الصور دي قدامه بيقول أنا مش مدمن، أنا موصلتش للمرحلة إني اعض في اللحاف وآكل في الأرض واخبط في الحيطة واهرش، طالما للفيلم بيبن صورة المدمن بهذه الطريقة، فالمدمن لما يشوف الصور، يقول أنا مش مدمن ويكذب على نفسه لأن اللي بيشوفه قدامه مريح فكره”.

كما أعلن: “أي حد عايز يتعالج من الإدمان وعايز يبطل ونفسه يبطل ومش عارف يبطل أنا هاخده مجانا، هاخد من البرنامج كل شهر 5 بشرط أن يكون نفسه يبطل ومش عارف”.