شاهد.. مصالحة على الهواء بين نجوى فؤاد ولوسي
تحدثت الفنان نجوى فؤاد عن خلاف ناتج عن سوء تفاهم بينهما وبين الفنانة لوسي منذ فترة، بعد أن ظنت أن لوسي رفضت مقابلتها في منزلها.
تابعت “فؤاد” خلال لقائها مع الإعلامية مروة صبري في برنامج “قعدة ستات“، المذاع عبر شاشة “القاهرة اليوم”: “أنا ولوسي كنا قريبين أوي من بعض بس حصل سوء تفاهم في موقف معين فلقيت نفسي بنسحب.. وأنا لما بنسحب ما ببصش ورايا، أنا سمعت إنهم تعبانين واشتريت شوية حلويات وروحت أزورهم في البيت بس البواب قالي إنهم في المستشفى”.
نرشح لك: رضوى الشربيني: حسام حبيب مغلطش في شيرين
أضافت: “بعدين مشيت ورجعت تاني عرفت إنهم فوق ونايمين.. كان ممكن يقولولي ومكانش هيحصل حاجة، بس دي ضايقتني أوي واتجرحت، والموقف على بعضه مكانش حلو، بس أنا متضايقة إني لحد النهاردة مبكلمهاش لأن لوسي فنانة محترمة”.
وفاجئتها الفنانة لوسي بمداخلة هاتفية للتصالح معها على الهواء، قائلة: “ربنا يخليكي لينا وتفضلي تطلي علينا طلات شيك ورقيقة، وطول عمرك ست محترمة وبتحترمي الكل الكبير والصغير، أنا بحبك جدا وأنتي الإمبراطورة بتاعة الإستعراضات كلها، أنا مينفعش أزعل منها لأنها مبتغلطش وعارفة هي بتقول إيه”.
لتقبل نجوى فؤاد اعتذارها مؤكدة على عمق الصداقة بينهما، معلقة: “ميرسي يا حبيبة قلبي ووالله ما فيه زعل إطلاقا دي أختي”.