جلا هشام توضح سبب رفضها لفكرة الإنجاب
قالت الفنانة جلا هشام، إن الدراما تُصدر للمتلقي أن العلاقات يجب أن تكون حالمة ورومانسية، موضحة أن المتلقي يتأثر بها ومن ثم يبحث عما يراه.
أضافت “هشام” خلال لقائها ببرنامج “حكايتي“، أنه يجب على الشخص أن يكون لديه اكتفاء ذاتي بنفسه قبل أن يفكر في الارتباط.
نرشح لك: عبر الحياة.. هاني شاكر يكشف مفاجأة حفله بمهرجان الموسيقى العربية
أردفت: “أن يبقى عندي شريك حياة، نبقى ماشين مع بعض بنعمل حاجات سوا مش عشان يعملي حاجات، نفس الوضع مع الراجل.. أنت بترتبط بواحدة عشان الدنيا اللي فيها حاجات كتيرة أوي تبقى هي شريكتك فيها”.
أشارت إلى أن هناك الكثير من البنات تكون معتمدة على الرجل فقط، مؤكدة على أنه يجب أن يكون هناك تنازلات بسيطة بين الشريكين.
أكدت على أنها لا تُريد الإنجاب، مشيرة إلى أنها تتمنى إذا أنجبت أن يكون الطفل سليم نفسيا.
أكملت: “لازم أما أخلف أبقى عارفة إني قادرة أطلع ابن نفسيته سليمة، لو خلفت هبقى قلقانة أوي طول الوقت والحاجات اللي بتحصل للأطفال مرعبة”.
في سياق آخر قالت الفنانة جلا هشام، إنها لم تدرس التمثيل في معهد الفنون المسرحية بل تعلمته في ورش خاصة به، لافتة إلى أنها أخذت حوالي 6 ورش تمثيل.
أضافت “هشام“ خلال لقائها مع برنامج “اسألني“، المذاع عبر قناة “cbc“، أنها في الأصل تخرجت في كلية الإعلام، وحصلت في الثانوية على نسبة 101% ، وكان هذا سبب رفض أهلها دخولها إلى العالم التمثيل، مشيرة: “بابايا قالي لو طلعتي ممثلة فاشلة هتبقى دي دراستك يعني؟ ادرسي حاجة تانية عشان لو غيرتي رأيك في موضوع التمثيل“.
تابعت أن والدتها من أكبر المشجعين لها، مشيرة إلى أن لديها أخت تصغرها في السن، مضيفة: “مواصفات النجومية إن الشخص يكون قريب جدا من الناس وحقيقي ومش بيكذب ويبقى بيشتغل على نفسه جدا ويكون متنوع.. نفسي أعمل أدوار في السينما مش شبهي وأكتر حاجة نفسي أعملها هو الأكشن زي بتاع بره“.
أردفت أن أكثر ما يميز شخصيتها أنها لا تفكر كثيرا، مشيرة: “مش بفكر والكلام بيطلع مني زي ما هو كده وبتحمل عقواب ده.. أول انطباع الناس بتاخده عني هو إني هبلة ومش فارق معايا إني أغيره لأني مش قصده أعمل انطباع”، أضافت أن أكثر فنان تتمنى أن يظهر معها في صورة أفيش هو الفنان ماجد الكدواني، وأن أكثر فنانة تجذبها ملامحها على الشاشة هي كارمن بصيبص.
تابعت أنها تحب روح الفنان محمد فراج كثيرا، لافتة: “دايما ملامحه باينة عليه وعنده طاقة نضيفة وسالكة، مشيرة إلى أن هناك أدوار لا تقبلها، لافتة: “مش عايزة أعدي من غير ما حد ياخد باله مني وبحس ساعات إن في حد ممكن يجيبني عشان أملى المكان بس اللي هو لو شلتني مش هيبقى في فرق مش عايزة أبقى أشتغل وخلاص، نفسي أوي لما أعمل حاجة تبقى مؤثرة والناس تاخد بالها منها“.