حميد الشاعري: "ويجز" مشروع غنائي متكامل

قال الفنان حميد الشاعري، إن إحدى الجهات عرضت عليه المشاركة في عمل فني يجمع جيل التسعينات وجيل الآلفينيات، موضحا أنه وافق على الفكرة ولم يعترض عليها.

أوضح “الشاعري” خلال لقائه في برنامج “حبر سري” المذاع عبر شاشة “القاهرة والناس” وتقدمه الإعلامية أسما إبراهيم، أنه لم يكن يعلم أن هذا التعاون سيكون مع مغني الراب مروان موسى، لافتا إلى أنه أعجب بفكره عندما جلس معه، مشيرا إلى أن مروان موسى أصغر من ابنه ولكنه شخص طيب جدا.

نرشح لك: موعد حفل ويجز في عمان

أشار: “عملنا حاجة في 8 ساعات، وبالنسبة للوقت تعتبر حلوة مش وحشة.. ويجز يعتبر مشروع غنائي متكامل بس يكمل، نصيحتي ليه كمل اللي أنت عامله كل مرة بتزيد أنا بحبك جدا كمل”.

أردف: “الواد ده كويس، دا جيل تاني بينا وبينهم 40 سنة، هو أنا عشان مش فاهم كلامه يبقى محبوش وأنا شايف بنت أو ابن أخويا بيحبوه، لازم أسمعه أشوف بيقول إيه”.

وبسؤاله عن إذا كان سيلحن لمطرب المهرجانات حمو بيكا أو لا، قال: “هيجي للسكة بتاعتي، هعمله السكة بتاعتي ليه لا؟ مش هروح للسكة بتاعته، هو رايح لحميد ليه؟ عشان عايز الاستايل بتاع حميد، لو هنتكلم على الصوت فلو جبت أي حد في الكرة الأرضية غنى أغنية (مولد يا دنيا) بتاعت عبد المنعم مدبولي محدش هيغني بنفس الإحساس، وهو مش مطرب يبقى حسه حلو مش صوته حلو، الغنا مش قنبلة نووية إحنا مبنعملش اختراع أو قضية”.