شاهد.. فيديو كليب "عايز اتجوز تاني" لـ عادل الجبالي
هدير عبد الوهاب
طرح الفنان عادل الجبالي، فيديو كليب أغنيته الجديدة “عايز اتجوز تاني”، الثلاثاء الماضي عبر قناته الرسمية على “يوتيوب“.
الأغنية من كلمات عادل الجبالي، وألحان مودي منير وعادل الجبالي، توزيع محمد عشري ومحمد جمال، مكس وماستر مودي منير.
وجاءت كلمات الأغنية كالتالي:
أنا عايز اتجوز تاني
بس مراتي مش فهماني
دايما على طول ظلماني
مع إني بحبها
أنا عايز اتجوز تاني
بس هي مش سيباني
ده عشانها مش عشاني
طب حد يقولها
بدرو على راحتها
مش عارفة تعيش حياتها
لو حبة تشم نفسها
مين يقعد بالعيال
دلوقتي تقدر تسهر
من غير متخاف تتأخر
وشوبنج وسفر أكتر
ده كفاية راحة البال
اكمني عايز اسعدها
جبتلها إللي تساعدها
وتشيل عنها شوية
ابقى أنا غلطان
في بالي ومش ناسيها
في البيت قاعدة لوحديها
جت واحدة وهتسليها
عيب ولا حرام
وكان الفنان عادل الجبالي قد طرح منذ فترة أغنية للأم بعنوان “يا أول حب حبيته” وشاركه في الغناء ابنه ياسين.
الأغنية من كلمات وإنتاج عادل الجبالي، وألحان وتوزيع مودي منير.