محمود حجازي: "متعرفش الجمهور الحقيقي من المزيف على السوشيال ميديا!"

شروق عبد الحميد

كشف الفنان محمود حجازي، عن رأيه وعلاقته بوسائل التواصل الاجتماعي ومدى تأثره برأي الناس تجاهه من خلالها.

قال “حجازي” خلال لقائه في برنامج “it’s show time” المُذاع على قناة “cbc”، إن علاقته بوسائل التواصل الاجتماعي علاقة وسطية وأنه يشارك جمهوره ما يريد أن يُظهره لهم فقط، موضحا: “علاقتي بالسوشيال ميديا وسطية، بعرف الناس يومي ماشي إزاي، تفاصيل بسيطة يعني اللي أقدر أعرفه للناس أو اللي أنا حابب أن أنا أشاركه مع الناس بقدمه، لكن الحاجات الشخصية بخليها ليا أنا”.

نرشح لك: إلهام شاهين: وثقت طلب التبرع بأعضائي بعد وفاتي في الشهر العقاري

تابع: “مبحبش أبقى متواجد دايما بس لو بتمرن مثلا فاحط صورة في الجيم، حصل لي حاجة أو مضيت عقد، يعني الحاجات اللي ممكن الناس تعرفها”، مشيرا إلى أنه يُفضل أن يعرف رأي الناس تجاهه من الشارع وليس من السوشيال ميديا، مردفا: “الجمهور اللي في الشارع ده أحلى حاجة في الدنيا، لأن ده حقيقي لكن على السوشيال ميديا أنت ما تعرفش مين المزيف ومين الحقيقي وهي دي الكارثة”.

أوضح أنه لا يرد على المنشورات والتعليقات السلبية الموجهة إليه ولا يحذفهم لأن أغلب من يفعل ذلك هم أشخاص وهميون يمتلكون حسابات وهمية لمهاجمة غيرهم ولا يقصدون شخصا معينا.

وعن رأيه في اتجاه المنتجين والمخرجين للاستعانة بمشاهير السوشيال ميديا الذين لم يدرسوا الفن ولكن لديهم العديد من المتابعين، في تقديم بعض الأعمال والأدوار الفنية للتسويق لهذه الأعمال من خلال متابعينهم، موضحا: “أنا معنديش مشكلة معاهم خالص ومفيش حد هيضر الصناعة، لأن أنت خدت فرصة واشتغلت لو شاطر هتكمل مش شاطر خلاص أنت لوحدك اللي هتقعد نفسك، لكن الصناعة كدة كدة مكملة”.

أشار إلى أن الدراسة ليست شرطا للنجاح في مجال الفن، لكن السعي والاجتهاد والتطور المستمر هم أساس النجاح، متابعا: “مصر مليانة مواهب تخض بس الفكرة أنهم مش عارفين يبدأو منين، وفكرة أنك دارس أو مش دارس دي حاجة بتاعتك أنت، أنت عندك موهبة انجح، مش هقول علشان مش دارس أنا مالي الأرزاق دي بتاعة ربنا، والفن للكل لكن علشان تكمل لازم تبقى حد بيشتغل على نفسه ويطور منها”.