ديانا هشام للسيدات: "لو حاجة بايظة في شكلك صلحيها"

قالت الفنانة ديانا هشام، إنها مؤمنة بالحسد لأنه مذكور في القرآن الكريم، موضحة أنه لا يوجد أحد لم يتعرض للتنمر من قبل، لافتة إلى أنها تعرضت للتنمر حينما زاد وزنها بسبب تعرضها لأزمة صحية.

أضافت “هشام” خلال لقائها مع “Miniz people“: “أنا مؤمنة بالحسد جدا لأنه مذكور في القرآن، بس في ناس مبتذكرش ربنا في أي حاجة حلوة، المفروض لما تشوفوا حاجة حلوة وتعجبكوا قبل ما تقولوا عليها حلوة بينكم وبين نفسكم قولوا ما شاء، الله اذكروا ربنا فيها عشان يجيلكم الأحسن منها”.

نرشح لك: عفاف شعيب: واحدة عملت لي عمل وانفصلت عن جوزي بسببه

أشارت: “أكيد تعرضت للتنمر قبل كده، ومفيش حد خلي من التنمر في الحياة، في فترة كان وزني زايد بسبب أن عندي مشاكل صحية وكنت باخد أدوية، والأدوية دي خلت وزني يزيد بزيادة، وكان أول مرة في حياتي وزني يزيد ووشي كان تخين جدا، وأنا تعرضت للتنمر على كبر مش وأنا صغيرة”.

أوضحت: “أنا تعبت الإشاعات مرة يطلعوني مخطوبة، مرة متجوزة، مرة أرملة، مرة مخلفة، شكلي ده لحق يعمل كل ده أمتى؟! وبعدين ابني عنده ست سنين ليه حرام عليكوا، نهدى من الإشاعات شوية أنا متخطبتش قبل كده، ولا اتجوزت ولا خلفت ولا قريت فاتحة”.

أردفت: “لو واحدة مضايقها حاجة في شكلها تروح تعمل عملية تجميل، لو حد مضايق يروح لدكتور نفسي، كل حاجة مضايقة حد يروح يعالجها يروح يصلحها.. حاجة بايظة في شكلك صلحيها، أنا مع عمليات التجميل، لأنها بتغير النفيسة، بس روحي لدكتور شاطر”.