نائبة بالبرلمان: ليه نشتري "سبلايز" بالآلافات لأطفال كي جي؟

“سبلايز” بالآلافات لأطفال كي جي

قالت النائبة إيناس عبد الحليم، عضو مجلس الشعب، إن بعض المدارس تشترط أنواع معينة من الأدوات المدرسية، وكذلك تشترط شراءها من مكتبات معينة، وهذا الأمر غير مقبول.

أضافت “عبد الحليم” خلال مداخلة هاتفية في برنامج “يحدث في مصر” المذاع عبر شاشة “mbc مصر“، ويقدمه الإعلامي شريف عامر، أن الأدوات المدرسية مثل الأقلام والكراسات والألوان يطلق عليها “سبلايز”، وكل هذه الأدوات تكلفتها تكون خارج المصروفات الدراسية، مشيرة إلى أن هذه الأدوات يشتريها الطلاب ويتم وضعها في المدرسة.

نرشح لك: عوض تاج الدين يكشف تفاصيل إنشاء مجمع إنتاج الأطراف الصناعية

أشارت: “أنا شوفت أحفاد واحدة صحبتي جايبين ورق كبير بتاع البنرات واللوح اللي بتتعمل في كليات الفنون الجميلة بكميات عشان السبلايز دي تروح المدرسة لازم ولي الأمر ياخدها بالعربية عشان محدش يقدر يشيلها.. يعني إيه طفل في كي جي 1 يجيب ألوان بالشمع وبالماء وبالزيت”.

أوضحت: “لازم يبقى فيه وقفة من وزارة التربية والتعليم، هل الطفل بيستخدم ده كله في كي جي 1؟ شيء مش منطقي، أغلبية الناس دلوقتي بتشتري نص الكمية عشان الوضع الاقتصادي وأغلبية الحاجات دي مستوردة، الوزير يجتمع مع المدارس ويشوف السبلايز ده بيستخدم في إيه؟ وإيه أهميته في التعليم؟ يعني هما بيعلموا إيه في كي جي 1 عشان أدفع سبلايز بالآلافات”.

 

“سبلايز” بالآلافات لأطفال كي جي

سبلايز بالآلافات لأطفال كي جي MBC مصر الأدوات المدرسية النائبة إيناس عبد الحليم شريف عامر يحدث في مصر