دنيا سمير غانم عن شخصية "هدية": شبابي كان بيدفن تحت الباروكة والجلابية

أشادت الفنانة دنيا سمير غانم، بالجزء السادس من مسلسل “الكبير أوي”، وبشخصية مربوحة التي قدمتها الفنانة رحمة أحمد، قائلة: “الكبير أوي جميل جدا، ومربوحة شاطرة قوي وعملت الشخصية بشكل حلو”.

وعن تصريحها السابق حول الناموس في لوكيشن تصوير المسلسل، أوضحت خلال لقائها في برنامج “راديو إنرجي 92.1” مع الإعلاميتين منة عامر وزهرة رامي: “موضوع الناموس حقيقي جدا وأي حد في الكاست هيأكد الكلام ده”.

نرشح لك: دنيا سمير غانم عن أغنية “أسيب نفسي واغني”: تعبر عن حالتي النفسية

أضافت:”بحب مسلسل الكبير أوي وكنت متضايقة لما مشيت من المسلسل، بس شبابي كان بيدفن تحت الباروكة والجلابية، بس جوايا حاجات تانية كتير جدا”

في سياق آخر، كشفت دنيا عن تفاصيل تجربتها المسرحية الموسيقية الجديدة “آنستونا”، التي تحضر لها حاليا مع المخرج خالد جلال.

وأشارت إلى إنها تحضر حاليا للمسرحية لتقديمها خلال شهر، وإنها لن تكون مسرحية موسيقية بالشكل التقليدي، موضحة: “أتمنى إني أبقى ربع بابي الله يرحمه في المسرح، لأن المسرح هو اللي حببني أنا وإيمي في الفن، ومكناش بنخرج آخر الأسبوع وإحنا صغيرين غير لـ المسرح مع بابي ومامي، عشان كده أنا مستنية الخطوة دي من زمان، وللأسف المنتجين عندنا الفترة دي مش متحمسين للمسرح، حتى بابي في آخر فترة له في المسرح مش بيشتغل غير مع أستاذ أحمد الإبياري لأنه كان الوحيد اللي متحمس للمسرح وقتها”.