رد أكرم حسني على اتهامه بسرقة كلمات أغنية "للّي"

رد الفنان أكرم حسني على اتهامات سرقة كلمات أغنية “للي” التي كتبها للفنان الكبير محمد منير، وطرحها “منير” قبل ساعات عبر صفحاته الرسمية على مواقع التواصل الاجتماعي.

كتب “أكرم” عبر حسابه على موقع التواصل الاجتماعي “فيس بوك”: “قريت من شوية بوست بيتهمني بسرقة كلمات أغنية (للي) من شاعر من جنوب مصر الحبيب وبعدها أكتر من صحفي كلمني بيطلب مني رد علي الاتهام ده، فخلوني أوضح كذا نقطة: 1- كل الحب والاحترام والتقدير لكل موهبة فنية بتقدم فن يحترم الجمهور وجنوب مصر خرجلنا شعراء وأدباء كتير على رأسهم الخال الأبنودي رحمة الله عليه، 2- أؤمن بحقوق الملكية الفكرية، كما أؤمن بأن السرقة الفنية تصنع نجاح مؤقت”.

نرشح لك: أين اختفت صاحبة أغنية “حبيبي يا عيني” ولماذا ظهر الفيديو كليب بهذا الشكل؟ المطربة توضح

تابع: “3- تشابه جملة من الأغنية التي تتكون من 12 بيت مع جملة للشاعر لا يعني السرقة وإنما توارد الأفكار أمر طبيعي، 4- لما كتبت الأغنية كانت مكونة من 20 بيت اختار منهم الكينج 12 بيت وتم تسجيلهم فمعتقدتش اللي كتب 20 بيت هتقف معاه في جملة عشان يسرقها”.

أردف: “5- أنا بكتب أغاني بقالي أكتر من 8 سنين من خلال برامج ومسلسلات وأعمال فنية قدمتها وكنت على سبيل المثال في أغاني برنامج أبو حفيظة قبل ما بستخدم لحن أي أغنية في البرنامج برجع لجمعية المؤلفين والملحنين وأسدد الرسوم حفظا لأصحاب حقوق الملكية الفكرية، فـ اللي يعمل كده بيتهيألي صعب يحط نفسه في موقف زي ده، 6- أنا مهنتي الأساسية ممثل وبحب صناعة الأغاني من باب الهواية فأنا مش محتاج أسرق عشان أعمل رصيد لنفسي كشاعر.. أنا بعمل ده بحب”.

اختتم: 7- وأخيرا.. أنا كتبت البوست ده مش دفاعا عن نفسي ولكن لاحترامي للجمهور المحترم اللي بيثق فيا فـ حبيت أوضح له، أشكركم وأسف على الإطالة”.

أغنية “للي” من كلمات وألحان أكرم حسني، وتوزيع أمير محروس، ومكس وماستر شركة M sound لأمير محروس.

وجاءت كلمات الأغنية كالتالي:

سألته هل داء الولع كان الجواب صده
ساق الدلال ساق الدلع مفاتيح هواه صدوا
ومشيت أوشوش في الودع ولا جاني ليه رده
اللي فتح باب الوجع واجب عليه رده
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
بعيونه بضرب 100 مثل أول ما بيطلوا
دوقته من طعم الغزل دوقني من ذله
وبحبه أنا مهما حصل طب مين بقى يقوله
ما هو لو حبيبك كان عسل
متخلصوش كله
يالا ويا لالا ويا لالا يالا ويالا لِلّي
يالا ويا لالا ويا لالا يالا ويالا لِلّي
كانت نار تقيد من لمس إيد من حضن من ضمه
وإن راح بعيد النار تزيد وأصرخ وأقول يامه
الروح تروح وأنين ونوح ومافوقش غير لما
يرجع أوام ده عليه قوام حواليه بنترمى
سألته هل داء الولع كان الجواب صده
ساق الدلال ساق الدلع مفاتيح هواه صدوا
ومشيت أوشوش في الودع ولا جاني ليه رده
اللي فتح باب الوجع واجب عليه رده
يالا ويا لالا ويا لالا يالا ويالا لِلّي