بعد مقارنته بـ أمير كرارة.. محمد نجاتي: ممكن أعتزل وأريحكم!

شدوى ممدوح

نفى الفنان محمد نجاتي علاقته حول ترشيحه لمسلسل ”محمود المصري”، كما أشاد بالفنان أمير كراره.

قال ”نجاتي” في فيديو عبر صفحته الرسمية على موقع التواصل الاجتماعي “فيس بوك”: ”أمير كراره نجم كبير وهو موصلش للي هو في ده غير نتيجة تعب وجهد وعرق، قدر أنه يوصل لحب الناس وقاعدة كبيره جدا من الجمهور”.

نرشح لك: لإحساسها بالذنب عن المسلسل.. مؤلفة “Friends” تتبرع بـ 4 مليون دولار

أضاف: ”أنا مكنش ليا دخل أبدا في ترشيحي لمسلسل محمود المصري مع الأستاذ محمود عبد العزيز، الترشيح ده جه من خلال الدكتور مدحت العدل وهو حيا يرزق، يُسأل في ده”.

وعن المنشور الذي كتبه الصحفي عمرو صحصاح، أشار ”نجاتي”: ”البوست اللي كتبه الأستاذ عمرو صحصاح لما قال شوف دلوقتي أمير كراره فين ومحمد نجاتي فين، أنا عايز أقوله إن دي حاجة مش بإيديا يا عمرو دي حاجة خارجة عن إرادتي، أنا راجل ممثل بشتغل الحاجات اللي بلاقيها كويسة ومناسبة ممكن تكون مش أعمال بتاخد الپروپاجاندا كبيرة زي ما في فنانين تانين بيشاركوا فيها، أنا أتمنى أكون موجود في الأعمال دي بس غصب عني”.