خبر

“اللي يخرب يدفع الثمن”.. أحمد موسي ينفعل بسبب تخريب القطارات

شروق عبد الحميد

أعرب الإعلامي أحمد موسى عن غضبه الشديد، بسبب التخريب المتعمد للقطارات من قبل بعض المواطنين، مطالبا كل من قام بالتخريب بتحمل المسؤولية.

وجه “موسى” خلال برنامج”على مسؤليتي”، المذاع على قناة صدى البلد، مساء اليوم السبت، رسالة لمن يتسببون ف التخريب، قائلا: “أنتم اللي تدفعوا تمنها لا وزير النقل ولا رئيس الجمهورية، هذه أموال الشعب، واخدينها بقروض والقروض دي لازم تندفع بالفوايد اللي عليها، مين هيدفعها يعني؟”.

نرشح لك: وزير النقل عن تغليط عقوبة التدخين في القطارات: “ولو علينا أخليها 100 جنيه”

تابع أن المحكمة في سوهاج أجبرت السائقين والمسؤلين بدفع 28 مليون جنيه، لأنها أموال الشعب، مضيفا: “واللي يخرب حاجة يدفع تمنها، كفاية أن الدولة تفضل تشيل كل حاجة خلاص، الدولة معندهاش حاجة علشان تشيل أصلا، الدولة ما تدفعش حاجة خلاص، يتشاف مين اللي خرب وأهله يدفعوا الكلام ده”.

أردف:” لما الناس تدفع هيمنعوا والدهم ويعملوا توعية في بيوتهم، والتوعية تبقى كده، اللي هيخرب قطر أو يحدف طوب، هجيبه وأهله يدفعوا تمن الشباك ده، لكن ما يدفعش تمنه وزير النقل ولا هيئة سكة الحديد ولا الموازنة العامة للدولة ولا القرض، لأن ده تخريب واللي خرب يدفع تمن اللي اتسبب فيه”.

استمر: “دي بلدنا ولازم نخاف عليها، ولا كل واحد يعمل اللي هو عاوزه، فيه قانون ولازم يتطبق، هنفضل ندادي وندلع ونقول عفا الله عما سلف لغاية أمتى، لو ما عملتلوش ردع هيبقى عندنا مشكلة، الكل لازم يتصدى ليها، دي فلوسنا كلنا فلازم نواجه ده بشكل واضح وما نسبش حد يخرب أبدا، سواء كبير أو صغير يتجاب ويروح النيابة ويتاخد معاه إجراءات”.

اختتم: “كلنا شركاء في بلدنا يبقى لازم نواجه التخريب ده ولازم يتوقف، والأهالي اللي ولادهم بيعملوا ده يعرفوا لما يدفعوا تلاتين أربعين ألف جنيه أن الله حق، ويعرفوا كويس أوي أنه فيه خراب حصل وأولادهم اتسببوا فيه”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock