والدة نيرة أشرف: أشكر كل من أخرج صدقة لبنتي

وجهت سناء سعيد، والدة نيرة أشرف، الطالبة بكلية الآداب بجامعة المنصورة التي قتلت على يد زميلها أمام الجامعة بعدة طعنات في الجسد والعنق، الشكر لكل من أخرج صدقة لابنتها الراحلة.

قالت “سعيد” خلال مداخلة هاتفية مع برنامج “يحدث في مصر” المذاع على شاشة MBC مصر ويقدمه الإعلامي شريف عامر: “عايزة أشكر الناس اللي عملت صدقات لبنتي لأن فيه ناس عملت عمرة ووزعت مصاحف ودبحت وعملوا حاجات كتير جدا أنا بشكرهم جدا يعني اعتبروها بنتهم، عملولها حاجات كتير بصراحة فرحت قلبي، وخففت النار اللي في قلبي شوية”.

نرشح لك: النص الدقيق لكلمة القاضي بهاء الدين المري لقاتل نيرة أشرف قبل إحالته للمفتي

أيضا علقت على قرار محكمة جنايات المنصورة، اليوم الثلاثاء، بإرسالَ أوراقِ القضيةِ إلى مفتي الجمهورية، لأخذ الرأي في إنزالِ عقوبة الإعدام بالمتهم، وحددت جلسة 6 يوليو 2022 للنطق بالحكمِ، قائلة: “سمعت الحكم وكنت موجودة أنا ووالدها والحمد لله، أول حاجة فكرت فيها لما سمعت قرار إحالة المتهم للمفتي، إن نيرة فرحانة دلوقتي حبيبتي في تربتها إن حقها جالها”.

تابعت: “وقلبنا برد شوية ونارنا بردت إن حقها رجع، العيلة فرحت وكلنا فرحانين أوي إن بنتي حقها رجعلها علشان تبقى مرتاحة في تربتها، وإحنا نارنا تبرد، حسبي الله ونعم الوكيل فيه”.