أحمد موسى عن مقتل طالبة المنصورة: أنت مالك البنت تلبس إيه

شدوى ممدوح أحمد موسى

انتقد الإعلامي أحمد موسى، موقف الناس من واقعة قتل طالبة المنصورة، بالإضافة إلى بعض التعليقات حول هذه القضية.

قال ”موسى”، خلال تقديمه لبرنامج ”على مسئوليتي”، المذاع عبر قناة ”صدى البلد”: ”هو إحنا فين أنا مش مستوعب اللي حصل ده كان ممكن البنت دي تتلحق لو في ناس جدعة، يا أخي اعتبرها أختك أو بنتك أوقريبتك، أو اعتبرها مواطنة جنبك بتتقتل كنت أجري أتحرك بدل ما أنت واقف كده”.

نرشح لك: نهاد أبو القمصان عن طالبة المنصورة: الجامعة تعاملت بطريقة “مش أنا دي أختي منى”

تابع: ”سيبتوا البنت تموت وتضيع مننا، بنت شابة عندها مستقبل واحد يقتلها قدام عينك وأنت واقف تصور؟ هو التليفون والتصوير عندك أهم من إنقاذ حياة بنت؟، ليه وصل الحال ببعض الناس لكده؟ ليه بكيتوا الناس؟”.

أضاف ”موسى” أن الشعب المصري كله أصابته حالة من الحزن على ”نيرة” يوم أمس كأنها فرد من كل عائلة مصرية، لافتا: ”كل بيوت مصر امبارح كانت نيرة بنتهم، كل بيوت مصر كانت زعلانة وحزينة”.

وعن تعليقات بعض الناس حول الحادثة، أشار: ”أنت مالك البنت تلبس إيه أنتوا هتحاسبوا الناس ياكلوا ايه ويلبسوا ايه؟ انتوا مالكوا؟ عقولكوا راحت فين؟”.

ناشد ”موسى” رجال الدين، ووزارة الأوقاف بضرورة تواجدهم حتى يردوا على ما حدث، لافتا: ”أين أنتم يا رجال الدين؟ مطلعش حد يرد ليه على اللي طالع يتكلم، فين يا أزهر دورك النهاردة؟، يا فضيلة الإمام الأكبر أطلعوا ردوا على الأستاذ اللي موجود عندكوا في الأزهر، السيد وزير الأوقاف وعلمائنا، ليه ساكتين على جريمة وتحريض على القتل؟”.