تامر حسني: بقينا في زمن الهلس ليه جمهور
أعرب الفنان تامر حسني عن سعادته البالغة بشأن ردود أفعال الجمهور حول منشوره الأخير حول الشخصيات الهامة التي يتابعها للتثقف والعلم والإيمان، موضحا أنه يريد الإفادة للجميع.
أوضح تامر عبر حسابه على فيس بوك أن أحدهم نصحه بعدم الحديث سوى في الفن، لكنه يخالفه في ذلك، كاتبا: “أنا شايف إن شغلي معاكم مش فني بس بل مؤخراً بقيت أحس إنه إنساني أولاً والفني ثانياً، واتأكدت من كدا بعد قراءتي لتعليقاتكم اللي تشرح القلب وعرفتني إني صح وإن رغم صعوبة زمننا اللي الهلس فيه بقى ليه جمهوره ومريدينه إنما الكلمة الصادقة والمؤثرة ما زالت لها جمهورها ومريدينها حتى لو فيهم ناس هما هما اللي بيهتموا بالجانبين”.
نرشح لك: تفاصيل دور أشرف عبد الباقي في “الشادر” مع ياسمين صبري
تابع: “عادي الإنسان مننا جواه الاتجاهين بشكل نسبي المهم هو هينمي مين فيهم ويهتم بيه أكتر زي البذرة الجميلة اللي بكرا هتكبر وتبقى شجرة مثمرة له ولكل من حوله”.
في نفس السياق، طرح تامر حسني على جمهوره فكرة نقاشية جديدة كاتبا: “هعمل معاكم فكرة جميلة أي حد فيكم قرأ كتاب وحب أهدافه أو سمع معلومة أو مقولة عجبته ياريت يكتبها هنا ونعتبر إننا عندنا كل فترة قعده نفكر فيها ونستفيد كلنا من بعض جايز كلنا لما نتجمع على منفعة الناس ربنا يعزنا أكتر وينور طريقنا أكتر.. خير الناس أنفعهم للناس”.
