عن حياتها الشخصية.. 25 تصريحا لـ شيرين عبد الوهاب

أدلت الفنانة شيرين عبد الوهاب، بالعدين من التصريحات من خلال خاصية القصص القصيرة عبر حسابها الشخصي على موقع “إنستجرام“، بشأن حياتها الشخصية.

نرشح لك: شيرين عبد الوهاب توجه 4 رسائل للجمهور

وجاءت تصريحاتها كالآتي:

1- أؤمن بنظرية المؤامرة للأسف.

2- وحشني التمثيل أوي.

3- مش بحب الغروب بحب الشروق.

4- بموت في الليل .

5- أرفض العودة لحسام حبيب.

6- بتغلب على الملل بالشغل.

7- بحب اسمي جدا جدا بحب أقوله وأسمعه.

8- ربنا رقم واحد بالنسبة ليا.

9- الحب عبارة عن اتنين بيكملوا بعض.

10- الناس بتبقى دايما فكراني متعالية بس أنا بكون مكسوفة.

11- أكبر مخاوفي المرض ربنا يكفينا شر المرض كلنا.

12- مش بحب أربي الحيوانات في البيت عشان لما بيحصل لهم حاجة بتعب نفسيا وبتأثر.

13- اتعلمت إني مديش ثقتي لحد.

14-السباحة أكتر رياضة بحب أمارسها.

15- أغنية “ملكيش مكان” هتنزل خلال شهور.

16- بعدي المشاكل الكبيرة بالتفكير الإيجابي والشغل بينسي.

17- عديت الاكتئاب بالصلاة.

18- بحس إني راضية عن نفسي لما بلحق أعمل كل الحاجات اللي أقدر أعملها في يومي.. أسأل عن أهلي وبطمن على البنات واشتغل في الاستوديو وأدي وقت لنفسي أقرأ كتاب حلو.

19- نفسي أجرب ركوب الأمواج.

20- لو خيروني أسافر للمستقبل أو الماضي.. هرجع الماضي، الماضي بحلاوته إننا كنا بنستعمل إيدينا في كل حاجة.

21- نفسي نشاطي الفني يكون أنشط عن دلوقتي.

22- حبيت وأنا في ثانوي ولسة فاكراه طبعا، أنا مش بنسى أي حاجة ليها علاقة بالعاطفة في حياتي.

23- فلسفتي بالحياة هي حب ما تعمل لتعمل ما تحب.

24- هواياتي الطبخ والتلوين.

25- أؤمن بطاقة الجذب.. ده علم وحاجة حقيقية وأنا جربتها في حاجات كتير.