عمرو أديب: إحنا معندناش كورة.. عندنا حلبسة

أشاد الإعلامي عمرو أديب، بمستوى الدوري الإنجليزي بعد مباريات مساء أمس الأحد، والتي انتهت بفوز مانشستر سيتي، واصفا الكرة المصرية بأنها “حلبسة” مقارنة بهم.

تابع “أديب” خلال حلقة أمس الأحد من برنامجه “الحكاية“، المذاع عبر شاشة “mbc مصر”: “اللي اتفرج على الماتشين النهاردة بتوع مانشستر سيتي، في فرقتين كانوا بيلعبوا قدام مانشستر سيتي وقدام ليفربول.. الفرقتين دول ملهمش في الموضوع خالص، ولكن كانوا بيلعبوا بجدية، وكان ممكن في لحظات بسببهم مانشستر سيتي يضيع منه الدوري”.

نرشح لك: عمرو أديب: “العشوائيات عار حملناه 50 سنة”

 

أضاف: “شوفنا إبداع، شوفنا كورة، يا جماعة إحنا معندناش كورة.. إحنا عندنا حلبسة، اللي عندنا اسمه أي حاجة غير كورة، إنما إيه الفرق اللي بتلعب لآخر لحظة دي؟”.

في سياق منفصل، كان الإعلامي عمرو أديب، أوضح أن جماهير نادي الأهلي استاءوا من حديثه على حظ النادي الأهلي، وتحقيقه الفوز في الدقائق الأخيرة من المباريات، واشتكوه إلى “كبير الأهلاوية” على حد تعبيره الفنان الكبير نبيل الحلفاوي.

أضاف “أديب” خلال حلقة مساء السبت، من برامج “الحكاية” المذاع على قناة “mbc مصر”: امبارح أخوانا في النادي الأهلي زعلوا مني وراحوا اشتكوني لكبير الأهلاوية الأستاذ القبطان نبيل الحلفاوي، لأن أنا قلت الأهلي ما يزعلش، حظه نار، في الدقيقة 94 و97 بيخلص”.

أردف: “أهو في ماتش إنبي معلولي ربنا يخليهولي في الدقيقة 94 و97 جاب جونين للأهلي بعد ما كان مغلوب 90 دقيقة يا ناس وكان خلاص.. 94 و97 دايمًا مبنلعبش في وقت تاني؟ مفيش حاجة تيجي كده واهدى يا حبيبي كده؟ وأنا سعيييد.. مبروك أقول إيه يعني”.