خبر

وزير التعليم ردا على الانتقادات: التعليم لا يدار بالسوشيال ميديا

قال الدكتور طارق شوقي، وزير التربية والتعليم، ردا على انتقادات تعديل نظام امتحانات الثانوية العامة، إن التعليم لا يدار بالسوشيال ميديا.

تابع “شوقي” خلال مداخلة هاتفية مع برنامج “الحكاية” مع الإعلامي عمرو أديب، عبر شاشة “mbc مصر”: “المؤتمر اللي عملناه لاقى استحسان الغالبية العظمى من أولياء الأمور، ده لأن الحاجات اللي أعلناها مريحة جدا، وإن شاء الله الامتحان يكون ورقي والتصحيح إلكتروني بالكامل.. وأجلنا بدء الامتحانات أسبوعين عشان نديهم فرصة يحضروا”.

نرشح لك: التعليم: الدراسة مستمرة حتى نهاية أبريل

أضاف: “الحاجة الوحيدة اللي عليها جدل ومحتاجة شرح، هي فكرة الكتاب المفتوح.. إحنا مابنطبعش كتب للثانوية بقالنا سنتين، وبالتالي اللي بيقول عاوز أدخل بالكتاب.. قد يكون الكتاب ده منسوخ وممكن يكون شكل كتاب، لكن من جوه حاجة تانية خالص، قد يكون ملزمة وفيه كتب كان محفور جواها بيت بيخبوا فيه الموبايل أو حاجة تانية”.

أردف: “وللأسف تم استغلال التابلت في السنوات اللي فاتت في الغش، فإحنا هنديهم المصادر اللي تغنيهم عن الحفظ بالكامل، واللي حط الامتحان عارف ما سوف يحتاجك الطالب من هذه المصادر وسيتم وضعها في كتيب من عدة صفحات وسيتم توزيعه عليهم في اللجان”.

استطرد: “التعليم لا يدار بالسوشيال ميديا، إحنا الجهة المسئولة عن الامتحان وليس الممتحن.. إنما هاشتاجات وهنعمل ضغط، الكلام ده مرفوض تماما والقرار لا رجعة فيه”.

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock