نيللي كريم عن أدائها في “فاتن أمل حربي”
دنيا شمعة
قالت الفنانة نيللي كريم، إن أدائها في مسلسل “فاتن أمل حربي”، جاء نتاج مخزون كبير من المشاعر الدرامية لديها.
تابعت “نيللي” خلال لقائها مع “ET بالعربي“: “فاتن بتحارب القانون بالقانون، القانون بقى هيتغير ولا لا.. أنا معرفش، لكن أنا اللي شدتني الفكرة لأن حقيقي القانون ده موجود، وتقدري تسألي أي ست مطلقة خدتي حقوقك ولا لا”.
أضافت: “المشاكل اللي من نوعية مشاكل فاتن موجودة كتير أوي، ومش بقول إن ده في العموم.. بس فيه اتهامات بتقول انتوا بتنصفوا المرأة بس طب فين حق الرجل؟ عاوزة أقولهم المسلسل اسمه فاتن أمل حربي، لو حد حابب يعمل عن راجل مظلوم يعمل”.
أردفت: “الممثل هو مخزون مشاعر بياخدها من الحياة، ويمكن أنا حظي حلو ووحش لأن مخزون المشاعر الدرامية كتير أوي في حياتي، أنا عديت بطلاق مرتين.. ومكانوش أحسن تجربة”.
قناة cbc: الساعة 7:35 مساء
الإعادة: 12:40 صباحًا – 10:15 صباحًا
قناة دبي: 7 مساءً
الإعادة: 5 صباحًا
تخوض الفنانة نيللي كريم تجربة جديدة، حيث تدور أحداث العمل حول قضايا الزواج وقضايا الأسرة، وما يدور خلف أروقة المحاكم.
المسلسل من بطولة، نيللي كريم، وشريف سلامة، وهالة صدقي، وخالد سرحان، ومحمد الشرنوبي، ومحمد ثروت، وجيلان علاء، وفادية عبدالغني، وآخرين، ومن إخراج ماندو العدل، وتأليف إبراهيم عيسى، وإنتاج العدل جروب.