محمد نجاتي: أرفض عمل زوجتي في الفن
أكد الفنان محمد نجاتي رفضه عمل زوجته وأولاده في الفن، موضحا أنها مهنة صعبة وشاقة للغاية، ولا يمكن التوفيق بينها وبين مسؤوليات الزواج.
أضاف نجاتي خلال حواره ببرنامج “ورا الشمس” على قناة الشمس، أنه لم يرتبط بأي فنانة من قبل، قائلا: “مقبلش مراتي تشتغل فنانة لأن مش عاوزها تدخل حاجة تعطلها عني.. ممكن تشتغل أي شغلانة تانية إلا الفن، لأنه معطلني أنا عنها أصلا، وأرفض دخول ولادي الفن كمان.. لأني أشفق على أي حد عاوز يشتغل في الفن، لأنه مش فاهم إن الشغلانة دي من أصعب الشغلانات في الدنيا كلها، لأنها معتمدة على الأعصاب والنفسيات”.
نرشح لك: قصي خولي: محمد رمضان يستحق يكون “نمبر وان”
تابع: “مكنش ممكن ارتبط بفنانة، ولا عمري ارتبطت بفنانات، ولا حتى أي قصة حب واحدة، أورط نفسي في مواضيع مش بتاعتي ليه، وفي النهاية مش هتجوزها لأني مش هقبل تبقي على ذمتي ممثلة تحت رحمة المخرج يقولها سافري وروحي وتعالي.. مش هقبل ده في بيتي أنا حر”.