كلمات أغنية "عاشق نبينا" لـ أحمد سعد
محمد هيثم
طرح الفنان أحمد سعد، أغنيته الجديدة “عاشق نبينا”، وذلك بمناسبة شهر رمضان، على قناته الرسمية على موقع “يوتيوب“.
الأغنية كلمات حسن محمد أمين، ألحان عصام كاريكا، إنتاج موبي ستار.
نرشح لك: استمع.. أغنية “عشاق نبينا” لـ أحمد سعد
وجاءت كلمات الأغنية كالتالي:
يا اللي هادينا وحبك مالينا
يا اللي نورت الحياة
عاشق نبينا اللي نفسي اشوفه بعيني
وأدخل الجنة معاه
يا أغلى علينا من روحنا
على بابك ياما جينا وروحنا
ومشتاقين يا رسول الله
يا حبيبنا وغالي علينا
يا اللي هادينا وحبك مالينا
يا اللي نورت الحياة
عاشق نبينا اللي نفسي اشوفه بعيني
وأدخل الجنة معاه
دايما في بالي يا محمد
في قلوبنا غالي يا محمد
أديت أمانة الله كاملة
وسبت في الدنيا علامة
يا كريم وطيب يا محمد
مني قريب يا محمد
يا أعز من أبويا وأمي
يا شفيعي يوم القيامة
يا أغلى علينا من روحنا
على بابك ياما جينا وروحنا
ومشتاقين يا رسول الله
يا حبيبنا وغالي علينا
يا اللي هادينا وحبك مالينا
يا اللي نورت الحياة
عاشق نبينا اللي نفسي اشوفه بعيني
وأدخل الجنة معاه
كان الفنان أحمد سعد، قد رد على الجدل الذي آثاره الفيديو الذي طرحه مؤخرا وهو يرقص على أغنيته “صدقيني”.
قال “سعد” خلال مداخلة هاتفية مع برنامج “كلام الناس” مع ياسمين عز، مساء اليوم السبت عبر شاشة “mbc مصر”: “أنا علاقتي بالسوشيال ميديا علاقة مشاهد عادي مش علاقة محترف، بس أنا بحب أوي اللي الناس بتعمله.. فقولت طب ما أنا أعمل فيديو زي اللي الناس بتعمله ويرقصوا على أغنية، بس قلش مني وطبعا شيلته”.
أضاف: “بس ملحقتش بقى لأن الفيديو بعد خمس دقايق كان عمل مليون مشاهدة وأكتر، مكنتش عارف أتصرف.. بس بصراحة أنا بشيد بكل الجماهير بخفة الدم لأني بجد ضحكت ضحك، وبقيت بصحى من النوم على مجموعات كاملة بتعمل نفس الحركة، والرقصة دي أنا اللي مخترعها وأول مرة ليا كمصمم رقصات”.