شاهد.. تامر حسني في زيارة إنسانية لطفل مصاب بشلل في الجهاز الهضمي
فاجأ الفنان تامر حسني، الطفل مصطفى -مصاب بشلل في الجهاز الهضمي- بزيارة له في منزله.
ظهر تامر في مقطع فيديو يتحدث مع الطفل مصطفى داخل منزله، ويشجعه بجملة “خليك فولاذي” التي سبق وغناها.
نرشح لك: نهي عبد الوهاب تشارك بيومي فؤاد مسلسل “الجار للجار”
وجهت والدة مصطفى الشكر للفنان تامر حسني لزيارته نجلها عبر موقع التواصل الاجتماعي “فيس بوك“، وكتبت: “أول ما حالة مصطفى وصلت للفنان تامرحسني، لقيناه بعدها بساعه جاي من آخر الدنيا جري من منطقة الشيخ زايد للتجمع الخامس عشان يطمن على مصطفى وبالصدفة مصطفى اصلاً بيحب تامر حب مش عادي وبيتفرج على افلامه هو بس لدرجة لما شافه مصدقش و افتكر ان دا واحد شبه تامر”.
أضافت: “ابني عنده شلل في الجهاز الهضمي كله مفيش امعاء ولا معده ولا بنكرياس و لما بيتوجع مينفعش ياخد مسكن أو أي دوا يعني ألم طول الحياة ومفيش صحة نهائي ودا مأثر على إدراكه، نفسي ابني يرجع زي صورته اللي في أول الڤيديو قبل المرض ادعوله ارجوكم وناشدوا معايا كل الجهات المسؤله في دولتنا العظيمة انقذوا مصطفى الموضوع مش سهل ومش أي حد يقدر يعمله لصعوبة الخطوات والتكاليف اللي بتتجاوز ٣٦ مليون جنيه، الموضوع أكبر من الأشخاص عشان كدا أتمنى صوتي يوصل لكل الجهات المعنية الفاضلة وشكراً لكل اللي حاولوا يساعدوني”.
اختتمت: “شكرا يا تامر على سرعة استجابتك وعلى كل اللي قولته واللي عملته امبارح واللي لسه بتحاول تعمله عشان طفل أنت متعرفهوش، ربنا يراضيك يا ابني وينصرك ويسترك دنيا وآخره”.