سمية الخشاب لـ أولياء الأمور: متضغطوش على عيالكم

شاركت الفنانة سمية الخشاب، الجمهور بتدوينتين وجهت من خلالهما رسالة لأولياء الأمور.

حذرت “الخشاب” في الرسالة التي نشرتها عبر حسابها الشخصي على موقع “تويتر” من الضغط على الأبناء ومقارنتهم بالآخرين، حيث كتبت: يا ريت أولياء الأمور والأهل ميضغطوش على عيالهم ويعملوا المقارنات دي زي: “شوفي بنت خالتك شاطرة إزاي وجايبه كام” أو “شوف ابن عمك بيشتغل فين وانت فاشل” و”يا ريتك زي فلان”.. عشان انتوا الأهل شايفين الناس دي من برا ومتعرفوش إنه بنتكم أو ابنكم ممكن يبقوا مميزين في حاجة تانية أكتر منهم”.

نرشح لك: لميس جابر: تعرفت على يحيى الفخراني بسبب “خناقة”

تابعت: “عشان لما تبوظوا نفسيتهم بتيجوا تندموا في الآخر وعلى فكرة هما بيبينوا إنه عادي بس الحاجات دي بتأثر فيهم جدا، وممكن تقلل ثقتهم في نفسهم أو توصلهم إنهم يكرهوا نفسهم ويكتئبوا وكل ده أصلا على مفيش، لأن أكيد عندهم حاجة مميزة وآفضل من الحاجة اللي عند الناس اللي بتقارنوهم بيهم”.

يشار إلى أن سمية الخشاب، كانت قد شاركت في الموسم الرمضاني الماضي من خلال مسلسل “موسى”.

مسلسل “موسى” من بطولة محمد رمضان، وسيد رجب، وعبير صبري، ورياض الخولي، وهبة مجدي، وتارا عماد، وصبري فواز، وحمدي الوزير، ومنذر رياحنة، وفريدة سيف النصر، وآخرين، وهو من تأليف ناصر عبد الرحمن، ومن إخراج محمد سلامة، وإنتاج شركة سينرجي.