تفاصيل تطبيق جديد لتسجيل "قائمة العروسة"
صمم مواطن يدعى محمد ربيع تطبيق بعنوان “قائمة العروسة”، وهو تطبيق يساعد أي فتاة مقدمة على الزواج في تسجيل مشتريات الجهاز، كما يتيح إنشاء قائمة المنقولات تلقائيا بعد تسجيل المشتريات.
نشر “ربيع” عبر مجموعة “شقة العريس” على موقع التواصل الاجتماعي فيس بوك، وكتب: “الحمد لله بعد تعب ومجهود كبير قدرت أخلص برمجة تطبيق قائمة العروسة، التطبيق هيساعد أي عروسة بتشتري جهازها؛ لأنها من خلاله هتقدر تسجل أي حاجه جديدة بتشتريها”.
نرشح لك: تفاصيل حصول نتفليكس على أول جائزة جولدن جلوب
أوضح: “بتسجلها بـ: سعرها، تاريخ الشراء، اسم البائع، ملاحظات عن الشراء، ودا طبعا بديل للأسلوب التقليدي وهو الورقة والقلم”.
تابع: “وكمان المنتجات دي بتقدر تقسّمهم لتصنيفات داخل التطبيق، التطبيق فيه مزايا كتير هكتفي بذكر أهمهم دلوقت وهي إن بعد نهاية تسجيل كل المشتريات التطبيق بيتيح إنشاء قائمة المنقولات واللي بنسميها (القايمة)، التطبيق بيسحب كل المنتجات اللي تم تسجيلها وبيكتبها في القايمة تلقائي وإجمالي السعر بتاعها وبيحفظها كـ pdf وبتبقا جاهزة لإمضاء العريس فقط والشهود ودا هيوفر وقت وجهد كبير بدل الذهاب لمحامٍ أو ما شابه”.
واصل: “طبعًا إنشاء القايمة بيتم في ثواني وبتتحفظ كـ pdf في التنزيلات على الموبايل وبيتم طباعتها في أي مكتبة وبعدها يتم الإمضاء عليها، أتمنى تجربوا التطبيق وتقولوا رأيكم وياريت لو تقييم بخمس نجوم على جوجل بلاي كتشجيع وتقديرًا للمجهود، لينك التطبيق على جوجل بلاي
