هاني أبو النجا يرد على تصريح "البكابورت" لـ طليقته نيللي كريم
محمد هيثم
رد الدكتور هاني أبو النجا، خبير التغذية، وطليق الفنانة نيللي كريم، على تصريح الأخيرة بشأن زواجتها السابقة قبل الزواج من هشام عاشور، والتي وصفت فيه زواجها بـ”بكابورت”.
قال “أبو النجا” خلال لقائه في برنامج “كلام الناس” مساء أمس المذاع على قناة “MBC مصر” وتقدمه الإعلامية ياسمين عز، إن نيللي لها تصريحات مختلفة دائما، مردفا: “ربنا يهنيها، لأن نيللي ليها تصريحات مختلفة طول الوقت، وكان ليها تصريح قبل كده، بتقول أنا اضغط عليا من المذيعة لما قولت الكلمتين اللي فاتوا، وأنا يهمني أنها تبقى كويسة”.
نرشح لك: أول تعليق لـ سهير رمزي عقب حريق منزلها
أضاف: “الخطأ مقدرش أرد عليه بخطأ تاني، لأن بنتي الكبيرة عندها 15 سنة، والصغيرة 11 وعايشين معايا بالتفاهم عشان محدش يعتقد اعتقاد مختلف، بالعكس الطرف الآخر شايف مصلحتهم هنا”.
كانت نيللي كريم، قالت خلال برنامج “نجاحهن” عبر شاشة “سكاي نيوز عربية”: “كنت فاقدة الأمل خالص في الرجالة، من كتر ما حظي كويس إني قابلت ناس كتير قوي كانوا وحشين جدا من أزبل لأزبل.. خدت كل الوحش (بكابورت) خدته بالتدريج”.
